அப்பல்லோ ஹாஸ்பிடல்ஸ் நிகர லாபம் 52% அதிகரிப்பு

முன்னணி மருத்துவ சேவை நிறுவனமான அப்பல்லோ ஹாஸ்பிடல்ஸின் ஒருங்கிணைந்த நிகர லாபம் கடந்த டிசம்பா் காலாண்டில் 52 சதவீதம் அதிகரித்துள்ளது.

Updated On :11 பிப்ரவரி 2025, 8:28 pm

முன்னணி மருத்துவ சேவை நிறுவனமான அப்பல்லோ ஹாஸ்பிடல்ஸின் ஒருங்கிணைந்த நிகர லாபம் கடந்த டிசம்பா் காலாண்டில் 52 சதவீதம் அதிகரித்துள்ளது.

இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:

கடந்த அக்டோபா் முதல் டிசம்பா் வரையிலான நடப்பு நிதியாண்டின் மூன்றாவது காலாண்டில் நிறுவனத்தின் ஒருங்கிணைந்த நிகர லாபம் ரூ.372 கோடியாக உள்ளது. முந்தைய 2023-24-ஆம் நிதியாண்டின் இதே காலாண்டோடு ஒப்பிடுகையில் இது 52 சதவீதம் அதிகம்.

அதே போல், மதிப்பீட்டுக் காலாண்டில் நிறுவனத்தின் ஒருங்கிணைந்த வருவாய் 14 சதவீதம் அதிகரித்து ரூ.5,527 கோடியாக உள்ளது.

வரும் 2025-26-ஆம் நிதியாண்டில் இருந்து மூன்று அல்லது நான்கு ஆண்டுகளுக்குள் 3,512 நோயாளிகள் படுக்கைகளை கூடுதலாக அமைக்க நிறுவனம் திட்டமிட்டுள்ளது என்று அந்த அறிக்கையில் குறிப்பிடப்பட்டுள்ளது.

தொடர்புடையது