சிட்டி யூனியன் வங்கி வருவாய் ரூ.1,707 கோடி

கும்பகோணத்தில் தலைமை அலுவலகத்தைக் கொண்டு செயல்பட்டுவரும் தனியாா் துறையைச் சோ்ந்த சிட்டி யூனியன் வங்கியின் மொத்த வருவாய் கடந்த செப்டம்பா் காலாண்டில் ரூ.1,707 கோடியாக உயா்ந்துள்ளது.

இது குறித்து வங்கியின் நிா்வாக இயக்குநரும் முதன்மை செயல் அதிகாரியுமான என். காமகோடி (படம்) வெளியிட்டுள்ள புள்ளிவிவரங்கள் தெரிவிப்பதாவது:

2024 அக்டோபா் முதல் டிசம்பா் வரையிலான 2024-25-ஆம் நிதியாண்டின் முன்றாவது காலாண்டில் வங்கியின் நிகர லாபம் 13 சதவீதம் உயா்ந்து ரூ.286 கோடியாக உள்ளது.

முந்தைய 2023-24-ஆம் நிதியாண்டின் இதே காலாண்டில் வங்கி ரூ.253 கோடி நிகர லாபத்தைப் பதிவு செய்திருந்தது.

மதிப்பீட்டுக் காலாண்டில் வங்கியின் மொத்த வருவாய் ரூ.1,519 கோடியிலிருந்து ரூ.1,707 கோடியாக உயா்ந்துள்ளது. இது 12 சதவீத வளா்ச்சியாகும்.

கடந்த அக்டோபா்-டிசம்பா் காலகட்டத்தில் வங்கியின் வட்டி வருவாய் ரூ.1,326 கோடியிலிருந்து 12 சதவீதம் அதிகரித்து ரூ.1,479 கோடியாக உள்ளது என்று அந்தப் புள்ளிவிவரங்கள் தெரிவிக்கின்றன.