பகுதி - 870

‘அடியேன் முன் நடனம் புரிந்தருள வேண்டும்’ என்று கோரும் இப்பாடல் திருவண்ணாமலைக்கானது.

அடிக்கு ஒற்றொழித்து 22 எழுத்துகளைக் கொண்ட பாடல்.  ஒன்று, மூன்று, ஐந்து ஆகிய சீர்களில் நான்கு குற்றெழுத்துகளும்; இரண்டு, நான்கு, ஆறு ஆகிய சீர்களில் இரண்டு குறில், ஒரு (கணக்கில் சேராத) மெல்லொற்று என இரண்டெழுத்துகளும் அமைந்துள்ளன.

தனதன தந்த தனதன தந்த

      தனதன தந்த                        தனதான

இருவினை யஞ்ச மலவகை மங்க

         இருள்பிணி மங்க                மயிலேறி

      இனவரு ளன்பு மொழியக டம்பு

         வினதக முங்கொ                டளிபாடக்

கரிமுக னெம்பி முருகனெ னண்டர்

         களிமலர் சிந்த                   அடியேன்முன்

      கருணைபொ ழிந்து முகமும லர்ந்து

         கடுகி நடங்கொ                  டருள்வாயே

திரிபுர மங்கை மதனுடல் மங்க

         திகழ்நகை கொண்ட              விடையேறிச்

      சிவம்வெளி யங்க ணருள்குடி கொண்டு

         திகழந டஞ்செய்                  தெமையீண

அரசியி டங்கொள் மழுவுடை யெந்தை

         அமலன்ம கிழ்ந்த                குருநாதா

      அருணைவி லங்கல் மகிழ்குற மங்கை

         அமளிந லங்கொள்               பெருமாளே.