பகுதி - 866

அன்பர் திருக் கூட்டத்தோடு..

Updated On :27 ஜூன் 2018, 6:30 pm

‘அன்பர் திருக்கூட்டத்தோடு சேர்ந்திருக்கின்ற பேற்றை அருளி நற்கதியைத் தரவேண்டும்’ என்று கோரும் இப்பாடல் மதுரைக்கானது.

வழக்கத்தைவிட நீளமான தொங்கல் சீரை உடைய இந்தப் பாடலில் ஓரடிக்கு ஒற்றொழித்து 50 எழுத்துகள் உள்ளன. ஒன்று, ஐந்து, ஒன்பது ஆகிய சீர்களில் மூன்று குற்றெழுத்துகளும் ஒரு (கணக்கில் சேராத) வல்லொற்றும்; இரண்டு, ஆறு, பத்து ஆகிய சீர்களில் ஒரு நெடிலும் இரண்டு குறிலும் ஒரு (கணக்கில் சேராத) வல்லொற்றுமாக மூன்றெழுத்துகளும்; மூன்று, நான்கு—ஏழு, எட்டு—பதினொன்று, பன்னிரண்டு ஆகிய சீர்களில் நான்கு குற்றெழுத்துகளும்; தொங்கல் சீரின் முன்பாதியில் நான்கு குற்றெழுத்துகளும் ஒரு (கணக்கில் சேராத) வல்லொற்றும்; பின்பாதியில் வழக்கம்போல மூன்று குறிலும் ஒரு நெடிலுமாக அமைந்துள்ளன.

தனத்த தாத்தன தனதன தனதன

தனத்த தாத்தன தனதன தனதன தனதனத் தனதான

பழிப்பர் வாழ்த்துவர் சிலசில பெயர்தமை

ஒருத்தர் வாய்ச்சுரு ளொருவர்கை யுதவுவர்

பணத்தை நோக்குவர் பிணமது தழுவுவர் அளவளப் பதனாலே

படுக்கை வீட்டினு ளவுஷத முதவுவர்

அணைப்பர் கார்த்திகை வருதென வுறுபொருள்

பறிப்பர் மாத்தையி லொருவிசை வருகென அவரவர்க் குறவாயே

அழைப்ப ராஸ்திகள் கருதுவ ரொருவரை

முடுக்கி யோட்டுவ ரழிகுடி யரிவையர்

அலட்டி னாற்பிணை யெருதென மயலெனு நரகினிற் சுழல்வேனோ

அவத்த மாய்ச்சில படிகுழி தனில்விழும்