எதிர் கால கனவு: வ. இசக்கி ராஜு

எதிர் காலம் கனவல்ல
தெரியாத நிஜம்
 
தெரியாத நிஜத்தை
தேர்ந்தெடுத்துக் கொள்ளுவதும்
தெரிந்த்து போல் ஆக்குவதும்
தீர்மானமாய் நீ எடுக்கும்
இலக்குகளில் உள்ளதடா
 
உன் இலக்கில் உயிரை வை
உயிர் போகு மென்றாலும்
உரமேற்றிப் போராடு
இலக்கெல்லாம் இலகுவாகும்
 
வரலாற்றுப் புத்தகத்தில்
உன் பக்கம் தேர்ந்தெடுத்து
அடித்தளமிடு என்றார்
அறிவு ஞானி அப்துல் கலாம்
 
எதிர் கால கனவை எண்ணி
என்ன எண்ணம்
கொண்டிருக்கிறாய் என்
இளங் காளைகளே
 
ஏளனங்கள் தடை காட்டும்
எதிர் வினைகள் புறந் தள்ளும்
உடனிருந்தே உனை கொல்லும்
எட்டப்பனை அறிந்திடுடா
உன் வழியில் உயர்ந்திடுடா
 
மதுக் குடுவை புறந்தள்ளி
புதுப் புனலாய் புறப்படுடா
இணையத்தில் மட்டும் என்றின்றி
இதயத்தால் வாழ்ந்திடுடா
 
விலங்கினை ஒத்திடும்
காமத்தில் கரைந்திடாமல்
அறிவொளி விளக்கேந்தி
அகிலத்தை காத்திடுடா
 
கவர்ந்திழுக்கும் அரசியலார்
அடுக்கு மொழியில் அடங்கிடாமல்
உடுக்கையாய் அடித்திட டா
உயர்வான வாழ்க்கை னோக்கி
 
இமை மூடியபின் எழுவதல்ல
இமைக்காமல் பொழுதை வீணாக
சமைக்காமல் காலத்தே
அமைப்பதுவே எதிர்கால கனவு