மனம் எனும் மாயப் பேய்:  H ஹாஜா மொஹினுதீன்

அடங்க மறுக்கும் !
ஆட்டம் தொடங்கும் !

நிம்மதி தேடி - 
நீண்ட தூற பயணமாயினும் ;  
மனம் மட்டும் அடங்கவில்லை !
மாற்றம் ஒன்றும் நிகழவில்லை  !

மாற்றத்தை தேடும், மகிழ்ச்சியை தொலைக்கும் !
சந்தோசமாய் இருந்தாலும், சந்தேகத்தை கிளப்பும் !
அமைதி இல்லாது அலைக்கழிக்கும் ;
ஆற்றாமையில் ஆட்களை வெறுக்கும் !

தவறை கூட சரியாய் காட்டும் ! 
சாத்தானை கூட சகோதரனாய் காட்டும் !
நல்லோர் பக்கம் நெருங்க மறுக்கும் !
நரிவேஷம் போடுவோரிடம் நலம் விசாரிக்கும் !

தவறு என்று தள்ளிவந்து ; 
தனிமையில் இருந்தாலும்  ;
தாறுமாறாய் யோசிக்கும் ;  
தடம்புரள வைக்கும் !

அக்கிரமம் கண்டு ஆவேசப்படும் ! 
அடக்க நினைத்து  அடங்கி போகும் !