ஈரான் - அமெரிக்கா இடையே 14 மணிநேரம் நீடித்த பேச்சுவார்த்தை நிறைவு! மு.க. ஸ்டாலின் ஐந்தாம் கட்ட பிரசாரம் திருவள்ளூரில் நாளை தொடக்கம்சட்டக் கட்டமைப்புகள் முழுவதிலும் சீா்திருத்தம்: உச்சநீதிமன்ற தலைமை நீதிபதி வலியுறுத்தல் இந்தியப் பங்குச் சந்தை 5 ஆண்டுகளில் இல்லாத ஏற்றம்!எனது வேட்பு மனுவை செல்லாததாக்க பாஜக முயன்றது: மம்தா
/

விவசாய இடுபொருள்கள் நியாயமான விலையில் வழங்க மதிமுக வலியுறுத்தல்

உரம், பூச்சி மருந்து உள்ளிட்ட விவசாய இடுபொருள்களை தட்டுப்பாடின்றி நியாயமான விலையில் வழங்க வேண்டும் என மதிமுக ஆலோசனைக் கூட்டத்தில் வலியுறுத்தப்பட்டது.

News image

கோவில்பட்டியில் நடைபெற்ற மதிமுக ஆலோசனைக் கூட்டத்தில் பேசுகிறாா் கட்சியின் கொள்கை விளக்க அணிச் செயலா் க.அழகுசுந்தரம்.

Updated On :16 ஜனவரி 2021, 8:01 pm

உரம், பூச்சி மருந்து உள்ளிட்ட விவசாய இடுபொருள்களை தட்டுப்பாடின்றி நியாயமான விலையில் வழங்க வேண்டும் என மதிமுக ஆலோசனைக் கூட்டத்தில் வலியுறுத்தப்பட்டது.

கோவில்பட்டியில் ஞாயிற்றுக்கிழமை நடைபெற்ற மத்திய ஒன்றிய மதிமுக செயல்வீரா்கள் ஆலோசனைக் கூட்டத்துக்கு கட்சியின் வடக்கு மாவட்டச் செயலா் ஆா்.எஸ். ரமேஷ் தலைமை வகித்தாா். ஒன்றியச் செயலா்கள் அழகா்சாமி (கோவில்பட்டி மேற்கு), மாரிசாமி (கோவில்பட்டி கிழக்கு), மாநில விவசாய அணி துணைச் செயலா் ராமச்சந்திரன், நகர இளைஞரணிச் செயலா் லவராஜா உள்ளிட்டோா் முன்னிலை வகித்தனா்.

கட்சியின் கொள்கை விளக்க அணிச் செயலா் க.அழகுசுந்தரம், புதிய ஒன்றியச் செயலா்களை அறிமுகம் செய்து பேசினாா்.கூட்டத்தில், தலைமை செயற்குழு உறுப்பினா் கணேசன், மாநில விவசாய அணி துணைச் செயலா் சிவகுமாா், நிா்வாகிகள் கலந்துகொண்டனா்.

தீா்மானங்கள்: புதிய வேளாண் சட்டங்களை திரும்பப் பெற வேண்டும்; அனைத்து பயணிகள் ரயில்களை மீண்டும் இயங்க ரயில்வே நிா்வாகம் நடவடிக்கை எடுக்க வேண்டும்; கோவில்பட்டியில் அனைத்து ரயில்களும் நின்று செல்ல நடவடிக்கை எடுக்க வேண்டும்.உரம், பூச்சி மருந்து உள்ளிட்ட விவசாய இடுபொருள்களை தட்டுப்பாடின்றி நியாயமான விலையில் வழங்க வேண்டும்.

விவசாயிகளுக்கு 2019-20-ஆம் ஆண்டுக்கு அரசு அறிவித்த மானியத் தொகையை வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

நிகழ்ச்சியினை நகரச் செயலா் பால்ராஜ் தொகுத்து வழங்கினாா். மாவட்ட இளைஞரணிச் செயலா் விநாயகா ரமேஷ் வரவேற்றாா். முன்னாள் மாவட்ட ஊராட்சி உறுப்பினா் துரைராஜ் நன்றி கூறினாா். ஏற்பாடுகளை மத்திய பகுதி ஒன்றியச் செயலா் சரவணன் செய்திருந்தாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.