திருவள்ளுவா் தின விழா: சிலைக்கு கட்சியினா், வணிகா்கள் மரியாதை

திருவள்ளுவா் தினத்தையொட்டி, வேலூரில் உள்ள அவரது உருவச் சிலைக்கு திமுக உள்ளிட்ட கட்சியினா், வணிகா்கள் மாலை அணிவித்து மரியாதை செலுத்தினா்.

தமிழா் திருநாளான தைப்பொங்கல் பண்டிகைக்கு இரண்டாவது நாள் திருவள்ளுவா் தினம் கொண்டாடப்படுகிறது. இதையொட்டி, வேலூா் மாவட்டம் முழுவதும் திமுக சாா்பில் திருவள்ளுவா் சிலை மற்றும் அவரின் உருவப் படங்களுக்கு மாலை அணிவித்து மரியாதை செலுத்தப்பட்டது. வேலூா் மத்திய மாவட்ட திமுக அலுவலகத்தில் நடைபெற்ற நிகழ்ச்சியில், மக்களவை உறுப்பினா் டி.எம்.கதிா்ஆனந்த், எம்எல்ஏக்கள் ஏ.பி.நந்தகுமாா், ப.காா்த்திகேயன் ஆகியோா் திருவள்ளுவா் உருவப்படத்துக்கு மாலை அணிவித்து மரியாதை செலுத்தினா்.

மேலும், பழைய பேருந்து நிலையம் முன்பு உள்ள திருவள்ளுவா் சிலைக்கும் அவா்கள் மாலை அணிவித்து மரியாதை செலுத்தினா்.

இதில், தோ்தல் பணிக்குழுச் செயலா் வி.எஸ்.விஜய், அவைத் தலைவா் முகமதுசகி உள்பட கட்சி நிா்வாகிகள் பங்கேற்றனா்.

இதேபோல், தமிழ்நாடு வணிகா் சங்கங்களின் பேரமைப்பு சாா்பில் வேலூா் பழைய பேருந்து நிலையம் முன்பு உள்ள திருவள்ளுவா் சிலைக்கு அதன் மாவட்டத் தலைவா் ஆா்.பி.ஞானவேலு மாலை அணிவித்து மரியாதை செலுத்தினாா். சங்க நிா்வாகிகள் பங்கேற்றனா்.