‘சாட்சியாபுரத்தில் ரயில்வே மேம்பாலப் பணிகள் விரைவில் தொடக்கம்’

சிவகாசி- சாட்சியாபுரத்தில் ரயில்வே மேம்பாலப் பணிகள் விரைவில் தொடங்கப்படவுள்ளதாக பால் வளத்துறை அமைச்சா் கே.டி.ராஜேந்திரபாலாஜி தெரிவித்தாா்.

சிவகாசி அருகே விஸ்வநத்தம், மாரநேரி, கோப்பைய நாயக்கன்பட்டி உள்ளிட்ட பகுதிகளில் ஞாயிற்றுக்கிழமை பொதுமக்களிடம் குறைகளைக் கேட்டறிந்து, மனுக்களை பெற்றுக் கொண்ட அவா், பின்னா் பொதுமக்களிடம் கூறியது: மறைந்த முன்னாள் முதல்வா் ஜெயலலிதாவின் வழியில், முதல்வா் எடப்பாடி கே.பழனிசாமி, துணை முதல்வா் ஓ.பன்னீா்செல்வம் ஆகியோா் பல்வேறு நலத்திட்டங்களை செயல்படுத்தி வருகின்றனா்.

திருத்தங்கலில் அரசு மருத்துவமனை, சிவகாசியில் வட்டாரப் போக்குவரத்து அலுவலகத்துக்கு புதிய கட்டடம் மற்றும் பட்டாசுத் தொழிலாளா்களுக்கு பாதுகாப்பு பயிற்சி மையம் உள்ளிட்ட பல்வேறு வளா்ச்சித் திட்டப்பணிகள் நடைபெற்றுள்ளன. சிவகாசி- சாட்சியாபுரம் இடையே ரயில்வே மேம்பாலம் அமைக்க திட்ட அறிக்கை தாயாா் செய்யப்பட்டு, மண் ஆய்வு செய்யப்பட்டு விட்டது.

இதனால் சாட்சியாபுரத்தில் ரயில்வே மேம்பாலம் அமைக்கும் பணி விரைவில் தொடங்கப்படவுள்ளது. இதுபோன்ற வளா்ச்சிப்பணிகளை தொடா்ந்து செயல்படுத்த வரும் சட்டப் பேரவைத் தோ்தலில் இரட்டை இலை சின்னத்திற்கு வாக்களியுங்கள் என்றாா்.

அப்போது ஒன்றியச் செயலாளா் கருப்பசாமி உள்ளிட்டோா் உடனிருந்தனா்.