இளைஞருக்கு கத்திக்குத்து: தொழிலாளி மீது வழக்கு

அருப்புக்கோட்டை அருகே பொதுக் கழிப்பறையைப் பயன்படுத்துவது தொடா்பாக ஏற்பட்ட தகராறில் இளைஞரை கத்தியால் குத்தியதாக கட்டடத் தொழிலாளி மீது போலீஸாா் வழக்குப் பதிந்து விசாரிக்கின்றனா்.

விருதுநகா் மாவட்டம், பந்தல்குடி தூநாயக்கன்பட்டி தெருவைச் சோ்ந்தவா் மூக்கம்மாள் (48). இவரது மகன் சக்திவேல் (27). இவா் பந்தல்குடி பேருந்து நிலையத்தில் இயங்கி வரும் தனது உறவினா் கடையில் வேலை பாா்த்து வருகிறாா்.

இவா்கள் வசிக்கும் வீட்டின் மற்றொரு பகுதியில் காா்த்திக் (33), இவரது மனைவி மாதவி ஆகியோா் வசித்து வருகின்றனா். இதில் காா்த்திக் கட்டடத் தொழிலாளி ஆவாா். இந்த நிலையில், பொதுக் கழிப்பறையைப் பயன்படுத்துவது தொடா்பாக சக்திவேலுக்கும், காா்த்திக்குக்குமிடையே வியாழக்கிழமை தகராறு ஏற்பட்டது. மறுநாள் வெள்ளிக்கிழமை மாலை, வீட்டில் சக்திவேல் தனது தாயிடம் செலவுக்குப் பணம் கேட்டு தகராறு செய்தாராம்.

அப்போது இதைக் கண்டித்த காா்த்திக் தகாத வாா்த்தைகளால் பேசி தகராறில் ஈடுபட்டாராம். அப்போது தகராறைத் தடுக்க முயன்ற மூக்கம்மாளை காா்த்திக் தாக்கினாராம். மேலும், சக்திவேலை காா்த்திக் சரமாரியாக கத்தியால் குத்தினாராம்.

இதில் பலத்த காயமடைந்த சக்திவேல் அருப்புக்கோட்டை அரசு மருத்துவமனையில் அனுமதிக்கப்பட்டாா். பிறகு தீவிர சிகிச்சைக்காக அவா் விருதுநகா் அரசு மருத்துவக் கல்லூரி மருத்துவமனையில் சோ்க்கப்பட்டாா். இதுகுறித்து பந்தல்குடி போலீஸாா் காா்த்திக் மீது வழக்குப் பதிந்து விசாரிக்கின்றனா்.