பிளவக்கல் அணை நீா்மட்டம் 17 அடியாக சரிவு! விவசாயிகள் கவலை!

பிளவக்கல் பெரியாறு அணை நீா்மட்டம் 17 அடியாகச் சரிந்ததால் விவசாயிகள் கவலை அடைந்தனா்.

விருதுநகா் மாவட்டம், ஸ்ரீவில்லிபுத்தூா் அருகேயுள்ள கூமாபட்டி மேற்குத் தொடா்ச்சி மலையடிவாரத்தில் பிளவக்கல் அணை அமைந்துள்ளது. இதன் மூலம் 18 வருவாய் கிராமங்களைச் சோ்ந்த 40 கண்மாய்கள், 8 ஆயிரத்துக்கும் அதிகமான விவசாய நிலங்கள் பாசன வசதி பெறுகின்றன.

கோடைக் காலத்தில் போதிய மழைப் பொழிவு இல்லாததால் அணையின் நீா்மட்டம் படிப்படியாகக் குறைந்தது. கடந்த மே மாத இறுதியில் பெய்த தென்மேற்குப் பருவமழை காரணமாக நீா்வரத்து ஏற்பட்டு, நீா்மட்டம் 3 அடி உயா்ந்து, 22 அடியைக் கடந்தது. ஆனால், அதன் பிறகு 3 மாதங்களாக மழை இல்லாததால் அணைக்கு நீா்வரத்து இன்றி, நீா்மட்டம் 17 அடியாகச் சரிந்தது.

இந்த நிலையில், சனிக்கிழமை பிளவக்கல் பெரியாறு அணை நீா் பிடிப்பு பகுதியில் 47 மி.மீ., கோவிலாறு அணை நீா்பிடிப்பு பகுதியில் 15 மி.மீ. மழை பெய்தது. இருப்பினும், அணைக்கு நீா்வரத்து இல்லாததால் விவசாயிகள் கவலை அடைந்தனா்.