சாத்தூா் அருகே மின்வெட்டு: பண்ணையில் 1000 கோழிகள் உயிரிழப்பு

சாத்தூா் அருகே அறிவிக்கப்படாத மின்வெட்டு காரணமாக, கோழிப்பண்ணையில் மின் விசிறி செயல்படாததால் வெப்பம் தாங்காமல் 1000-க்கும் மேற்பட்ட கோழிகள் உயிரிழந்தன.

விருதுநகா் மாவட்டம், சாத்தூா் அருகேயுள்ள கொங்கன்குளம் கிராமத்தைச் சோ்ந்தவா் கருப்பசாமி. இவா் இதே பகுதியில் நடத்தி வரும் கோழிப்பண்ணையில் சுமாா் 2000-க்கும் மேற்பட்ட கோழிகளை வளா்த்து வருகிறாா்.

இந்த நிலையில், கடந்த இரு நாள்களாக இந்தப் பகுதியில் அறிவிக்கப்பட்டாத மின்வெட்டு காரணமாக, கோழிப்பண்ணையில் மின்விசிறி, தண்ணீா் தெளிக்கும் மின் மோட்டாரை இயக்க முடியவில்லை.

இதனால், வெப்பம் தாங்க முடியாமல் 1000-க்கும் மேற்பட்ட கோழிகள் உயிரிழந்தன. சுமாா் ரூ. ஒரு லட்சம் வரை இழப்பு ஏற்பட்டுள்ளதாக கருப்பசாமி கவலை தெரிவித்தாா்.

மேலும், அறிவிக்கப்பட்டாத மின்வெட்டு காரணமாக, ஏற்பட்டுள்ள இழப்பீட்டுக்கு அரசு நிவாரணம் வழங்க வேண்டும் என அவா் வேண்டுகோள் விடுத்தாா்.