''எதுக்கு சிஸ்டர் எக்ஸ்ட்ரா ஊசி போடுறீங்க?''
'' பாக்கி உங்களுக்கு கொடுக்க சில்லறை இல்லைன்னு டாக்டர் இந்த வைட்டமின் ஊசியை போடச் சொல்லிட்டாரு?''
''டாக்டர் .. எனக்கு ஒரே தொடர் கனவா வருது?''
''எப்படி சொல்றீங்க..?''
''கனவில் எபிசோட் நம்பர் போட்டே டெய்லி வருதே டாக்டர்..''
''டாக்டர். தூக்கத்துல நான் ரொம்ப உளர்றேன்ன்னு மிசஸ் சொல்றாங்க..?''
''என்னது தூக்கத்துல கூடவா..''
- சிட்லபாக்கம் எஸ்.மாரிமுத்து,
சென்னை.
''டாக்டர் இன்னும் மாறவேயில்லையா?''
''ஆமாம். இன்றும் அவுன்ஸ் கிளாஸில்தான் மருந்தை அளந்து தர்றாரு..?''
-மஞ்சுதேவன், பெங்களூரு.
''டாக்டர் . தொட்டுப் பார்த்தால் அந்த பேஷண்ட்டுக்கு உடம்பு சுடுது. தெர்மா மீட்டர் வைச்சா நார்மலா இருக்கே எப்படி..?''
''உன்னோட கைபட்டால் எனக்கே உடல் சூடாயிடுமே நந்தினி..''
''அவர் போலி டாக்டருன்னு எப்படி உறுதியா சொல்றே..''
''இட்லி இல்லாவிட்டால் இடியாப்பம் சாப்பிடலாமுன்னு கேட்டா, நோ.. நோ ஆபரேஷன் சிக்கலாயிடுமுன்னு சொன்னாரே..''
''ஒரு சின்ன சந்தேகம் டாக்டர் . நானும் என் மனைவியும் ஒரே மாதிரி ஆகாரம்தான் சாப்பிடறோம். ஆனால் அவங்க எடை மட்டும் கூடுதே டாக்டர்
எப்படி..?''
''இதுவா சின்ன சந்தேகம். பெருத்த சந்தேகம்யா..?''
''டாக்டர். எனக்கு கோபம் வந்துட்டா கை- கால் நடுங்க ஆரம்பிக்குது.. ஏன் சார்..''
''எனக்கு அப்படி இல்லை. என் பெண்டாட்டிக்கு கோபம் வந்துட்டா உடம்பே நடுங்கும்..''
''உங்களுக்கு உடம்புல கொழுப்பு அதிகமாக
இருக்கும்மா?''
''யோவ் டாக்டரு. என் புருஷன்காரன் அப்படி சொல்லச் சொன்னாரய்யா..?''
- வி.ரேவதி,
தஞ்சாவூர்.
''ஆபரேஷனுக்கு முன்னாடி எப்படி இருந்தீங்க? பின்னாடி எப்படி இருக்கீங்க?''
''ஆபரேஷனுக்கு முன்னாடி சொந்த வீடு இருந்தது. இப்ப வாடகை வீட்டில் இருக்கேன் டாக்டர்..''
''டாக்டர்.. என் கணவருக்கு நீங்க கொடுத்த தூக்க மாத்திரை டோஸ் அதிகம் போலிருக்கு.''
''ஏன் என்னாச்சு..''
''தூக்கத்தில் நடந்து போனவர், இப்போ ஓட ஆரம்பிச்சுட்டாரு..?''
-அ.செந்தில்குமார்,
சூலூர்.
''வைரமூக்குத்தி அலர்ஜி பண்ணுமா டாக்டரம்மா..?''
''எதுக்கு கேட்கறீங்க..?''
''எதிர்வீட்டுக்காரி வாங்கியதால் எனக்கு ஜலதோஷம் பிடிச்சிடுச்சு..!''
-பர்வதவர்த்தினி,
பம்மல்.