சிரி... சிரி...

'பக்கத்து வீட்டு வாழை குலை தள்ளிடுச்சி பார்த்திங்களா?'
'குலையைத் தொட்டால் கொலை விழும்னு எழுதி வெச்சிருப்பதையும் படிச்சேன்..'

-அ.செந்தில்குமார்,
சூலூர்.

'அந்த ஓட்டலில் ஒரு தடவைதான் சட்னி, சாம்பார் ஊத்துவாங்க?'
'ஓ..  அப்போ டிப்ஸ் வாங்க மாட்டாங்களா?'



'ஏம்பா? தர்மம் வேணாங்கிறே?'
'ஊசி போன தர்மம் எல்லாம் நான் வாங்கிறது இல்லை தாயி..'

-அ.சுஹைல் ரஹ்மான்,
திருச்சி.

'டி.வி மெகா சீரியல் எடுத்த அந்தத் தயாரிப்பாளர் பாவம் இப்போ சாப்பாட்டுக்கே கஷ்டப்படுறாரு?'
''பெண்களோட கண்ணீர் சும்மா விடும்மா?'
 



'என் மனைவி தூக்கத்துல எழுந்து சமையல் பண்றா?'
'சரி இதுக்கு போய் நீங்க ஏன் வருத்தப்படறீங்க?'
'அவ என்னை எழுப்பி சாப்பிட சொல்றாளே..'

- தீபிகா சாரதி,
சென்னை.

'மசால் தோசை கேட்டேனே என்ன ஆச்சி..?'
'தோசை மாஸ்டருக்கு வாய்ஸ் மெயில் அனுப்பி இருக்கேன்.  ரெடியானதும் வந்துடும்..'



'நகை மாளிகை கேன்டீனில் போய் என்னடா கேட்டே..?'
'ஹால்மார்க் இட்லி இருக்கான்னு கேட்டேன்...'

-ஏ.நாகராஜன்,
பம்மல்,

'எதுக்கு விமலா பத்து டீ ஸ்பூன் வச்சிருக்கே?'
'சாம்பாருக்கு பத்து டீ ஸ்பூன் மிளகாய் தூள் 
போடணும்னு போட்டிருக்கே அதான்.'



'பூனை  எல்லா பாலையும் குடிக்கற வரைக்கும் என்ன பண்ணிட்டு இருந்தீங்க?'
'இந்தப் பூனையும் பால் குடிக்குமான்னு பார்த்துக்கிட்டே இருந்தேன்டி'



'அந்த ஹைடெக் திருமணத்தில் அவர் மட்டும் 
இன்னும் சாப்பிடாமல் உட்கார்ந்து இருக்காரே..?'
'அவருக்கு இன்னும் ஓ.டி.பி. நம்பர் வரலியாம்..'

- ஏ.எஸ்.கோவிந்தராஜன்,  
சென்னை.

'என்னய்யா இது? டிபன் பிளேட் பக்கவாட்டில் நகருது?'
'அடுத்தவருக்கு பிளேட் ஈர்ப்பு சக்தி இருக்து சார்..'



'பேப்பர் தோசை ஏன் கிழிந்திருக்கு...'
'இது கிழிசல் பேப்பர் தோசை...'



'விரல் காயத்துக்கு பஞ்சு வைச்சி கட்டவா?'
''பஞ்சு மிட்டாய் வைச்சி கட்டு டாடி'


 

'என்னய்யா சர்வர்? சுண்டெலி உட்கார்ந்து மசால் வடை சாப்பிடுது..'
''விரட்ட முடியாதுங்க சார்.. அதுவும் ஒரு பக்கம் சாப்பிட்டுட்டு போகட்டுமே..'



'ரவா தோசையில் எதுக்கு இத்தனை மிளகு..'
'இது பெப்பர் ரவா தோசை..'

-பர்வதவர்த்தினி,
பம்மல்.