வாங்க இங்கிலீஷ் பேசலாம் - 239

ஊரடங்கு உத்தரவு பிரகடனம் பண்ணப்பட்ட நிலையில் புரொபஸர், கணேஷ் மற்றும் ஜூலி புரொபஸரின் நண்பரான வீரபரகேசரியின் வீட்டுக்குச் சென்றிருக்கிறார்கள்.

Updated On :21 ஏப்ரல் 2020, 1:25 pm

ஊரடங்கு உத்தரவு பிரகடனம் பண்ணப்பட்ட நிலையில் புரொபஸர், கணேஷ் மற்றும் ஜூலி புரொபஸரின் நண்பரான வீரபரகேசரியின் வீட்டுக்குச் சென்றிருக்கிறார்கள். வீரபரகேசரி தன்னை சோழப்பேரரசின் சக்கவர்த்தியாக நம்பி தனது சேவகர்களின் உதவியுடன் தனது பெரிய வீட்டில் வாழ்ந்து வருகிறவர். ஒரு சின்ன விசயத்துக்காக வீரபரகேசரி கணேஷிடம் கோபித்துக் கொள்கிறார். அவர் அவனுக்கு மரண தண்டனை விதிப்பதாக, அவன் தலை உடனே கொய்யப்படுமென கட்டளை பிறப்பிக்கிறார். கணேஷ் மன்னிப்புக் கோர, அவர் அவனிடம் பத்து கேள்விகள் கேட்கப் போவதாகச் சொல்கிறார். அதில் ஒன்பதுக்கு சரியாக பதிலளித்தால் அவன் தலை தப்பும். இப்படி வீரபரகேசரி கேள்விகள் எழுப்பும்போது அவற்றில் ஒன்று pandemic மற்றும் epidemic ஸ்ரீ ஆகிய சொற்களுக்கு இடையிலான வித்தியாசம் என்னவெனக் கேட்கிறார். சரியான பதிலை கணேஷ் அளிக்கிறான். இப்போது வீரபரகேசரி இதை சார்ந்து ஓர் உப

கேள்வி உண்டு என்கிறார். அது என்னவாக இருக்கும்?
வீரபரகேசரி: அமைச்சரே!
அமைச்சர்: மன்னர் மன்னா... எல்லாம் தயார்.
வீரபரகேசரி: என்ன தயார்?
அமைச்சர்: நீங்க அடுத்த வாரம் வெளியிட வேண்டிய காணொளிக்கான முன்னறிவிப்பான ட்வீட்டுக்கான டிரைலராக ஒரு செய்தியைக் கொடுத்து விட்டேன். இப்போ உலகமே நீங்க என்ன சொல்லப் போறீங்கன்னு பரபரப்பா இருக்காங்க.
வீரபரகேசரி: curiosity kills the cat, but it saves the king.

கணேஷ்: curiosity என்றால் ஒரு துறுதுறுப்பு, ஒரு அறிவார்வம். தேவையில்லாத விசயங்களையும் கண்டறிகிற விருப்பம். தானே?
வீரபரகேசரி: ஆம் தம்பி. எம் நாட்டு மக்கள் சதா எம்மைப் பற்றியே யோசித்தவாறு ஸ்ரீன்ழ்ண்ர்ன்ள் ஆக இருப்பார்கள். ஆகையாலே செய்தித்தாள்களின் முதல் பக்கத்தில் மன்னராகிய எமது படம் மற்றும் நற்செய்திகள் மட்டுமே வர வேண்டும்; டி.வி சேனல் விவாதங்களில் எல்லாரும் எம்மையே புகழ வேண்டும் என ஆணை பிறப்பித்திருக்கிறேன். எல்லாம் மக்களுக்காக. புரொபஸர்: கணேஷ் உனக்கு ஒன்று தெரியுமா, இந்த proverb அதாவது பழமொழி பதினாறாம் நூற்றாண்டில் இருந்தே புழக்கத்தில் இருக்கிறது. ஷேக்ஸ்பியரின் நாடகங்களில் கூட வந்துள்ளது. ஆனால் அப்போது curiosity kills ந்ண்ப்ப்ள் அல்ல...
கணேஷ்: பிறகு?
புரொபஸர்: Care kills the cat என அப்பழமொழி இருந்தது. கடந்த ஒரு நூற்றாண்டில் தான் இன்ழ்ண்ர்ள்ண்ற்ஹ் என மாறி விட்டது.
கணேஷ்: care என்றால்?
புரொபஸர்: கவலை, மிகையான அக்கறை என்ற பொருளில் care வருகிறது. சதா எதையாவது நினைத்து கவலையில் ஆழ்ந்தது போல இருப்பது.
கணேஷ்: பூனை கவலையெல்லாம் படுமா?
ஜுலி: எனக்கு ஒரு பூனைத்தோழி இருந்தாள். அதற்கு சதா கவலை மட்டுமே.
கணேஷ்: எதற்காக?
ஜூலி: அதற்கு தன்னையே தனக்குப் பிடிக்கவில்லை என்று நினைத்து கவலை.
கணேஷ்: ஓ! அப்புறம்?
ஜூலி: நான் போய் கவலைப்
படாதேம்மா, எனக்கு உன்னைப் பிடிச்சிருக்கு. cheer up என்று சொன்னேன். அதுக்கு அது போடான்னுட்டுது. இப்படித்தான் care kills the cat என்கிறது சரிதான்னு நான் புரிஞ்சிக்கிட்டேன்.
கணேஷ்: ரைட்டு
வீரபரகேசரி: இருக்கட்டும், நான் ஒரு உபகேள்வியை கேட்கணும். வீரர்களே! இவன் கழுத்தைக் கொய்வதற்கு வாளை கூர்தீட்டி வையுங்கள். கொய்த தலையை மிதிக்க யானையைத் தயாராக
நிறுத்துங்கள்.
ஜூலி: என்னது வெட்டின தலையை தனியா மிதிக்கவா? Gross
கணேஷ்: கிராஸ் என்றால்?
ஜூலி: Unpleasant, disgusting எனும் பொருள்கள் வரும். அதாவது அருவருப்பான, கேவலமான என அர்த்தம்.
வீரபரகேசரி: ம்க்க்கும்.
கணேஷ்: இல்லை மன்னா, நான் அர்த்தம் தெரிஞ்சு இல்ல... தெரியாமலே சொல்லிட்டேன்.
வீரபரகேசரி: அந்த தலையை மிதித்த பிறகு திமிங்கலங்கள் துள்ளும் அகழியில் வீசவும்.
கணேஷ்: ஐயோ...
வீரபரகேசரி: சரி, பதில் சொல்லு. Epidemiology என்றால் என்ன?
கணேஷ்: மன்னா இது pandemic, endemic உடன் தொடர்புடைய சொல்லா?
வீரபரகேசரி: ம்ம்ம்
கணேஷ்: இது இந்த வியாதிகளை ஆய்வு செய்யும் ஒரு துறையைக் குறிக்கும் சொல்லா?
வீரபரகேசரி: என்ன நீ நான் கேள்வி கேட்டால் பதிலுக்கு நீயும் கேள்வி கேட்குறே? பதில் சொல்றியா இல்ல ...
கணேஷ்: ஐயோ மன்னா... அது தான் என் பதில்.
வீரபரகேசரி: சரியான பதில். ஆனால் துல்லியமான பதில் அல்ல. ஒரு நோய் மக்களிடையே எப்படிப் பரவுகிறது, எந்த பாணியில் பரவுகிறது என்றெல்லாம் ஆய்வது தான் epidemiology.
கணேஷ்: சரி மன்னா.... (தனக்குள்) தப்பிச்சுட்டோம்.
வீரபரகேசரி: ஆனால் கேள்வி இன்னும் முடியல.
கணேஷ்: ஐயோ...