ஆரோக்கிய உணவுகள்: கோவைக்காய் பச்சடி

தேவையானவை:

கோவைக்காய் - 200 கிராம்
வெங்காயம் - 3
மிளகாய் - 4
தேங்காய்த் துருவல் - 1/2 கிண்ணம்
பூண்டு - 1 பல்
சீரகம் - 1 தேக்கரண்டி
மிளகு - 1/2 தேக்கரண்டி
புளிக்கரைசல் - 2 மேசைக்கரண்டி
கடுகு, கறிவேப்பிலை - சிறிதளவு
எண்ணெய், உப்பு - தேவையான அளவு

செய்முறை:

கோவைக்காயை சிறிய துண்டுகளாக நறுக்கி வைக்கவும். வெங்காயம், மிளகாய் இரண்டையும் பொடியாக அரிந்து கொள்ளவும். தேங்காய்த் துருவல், பூண்டு, சீரகம், மிளகு ஆகியவற்றை மிக்ஸியில் இட்டு கரகரப்பாக அரைத்தெடுக்கவும். வாணலியில் நறுக்கிய கோவைக்காய் துண்டுகளைப் போட்டு, போதிய அளவு நீர் சேர்த்து வேகவிடவும். பாதி வெந்ததும் அரிந்து வைத்துள்ள வெங்காயம், மிளகாய் அரைத்த மசாலா, புளிக்கரைசல், உப்பு ஆகியவற்றை சேர்த்து தொடர்ந்து வேக வைக்கவும். கலவை நன்கு வெந்ததும் கடுகு, கறிவேப்பிலை தாளித்து இறக்கவும். சாம்பார் சாதம், ரசம் சாதம், தயிர் சாதத்துக்கு ஏற்றது.