நெல்லிக்காய் ஊறுகாய்

தேவையானவை:

நெல்லிக்காய் - 20
வறுத்துப் பொடித்த மிளகாய்த்தூள் - 50 கிராம்
மஞ்சள்தூள் -  அரை தேக்கரண்டி
எலுமிச்சம் பழச்சாறு - கால் கிண்ணம்
கடுகு - கால் தேக்கரண்டி 
பெருங்காயத்தூள் -  அரை தேக்கரண்டி 
வெந்தயப்பொடி - அரை தேக்கரண்டி 
நல்லெண்ணெய், உப்பு - தேவைக்கேற்ப

செய்முறை: 

நெல்லிக்காயை நன்றாகக் கழுவி, ஆவியில் இரண்டு நிமிடம் வேக வைக்கவும். வாணலியில் நல்லெண்ணெய் விட்டு கடுகு, பெருங்காயம் தாளித்து, அதில் வேக வைத்த நெல்லிக்காய்களைச் சேர்த்து வதக்கவும். லேசாக வதங்கியதும், மஞ்சள் தூள், உப்பு, வெந்தயப்பொடி சேர்த்து மீண்டும் நன்கு வதக்கவும். 5 நிமிடம் கழித்து மிளகாய்த்தூள் சேர்த்துக் கிளறி எடுக்கவும். ஆறியதும், அந்தக் கலவையில் எலுமிச்சைச்சாறு விட்டு நன்கு கலந்துகொள்ள, நெல்லிக்காய் ஊறுகாய் தயார். இந்த ஊறுகாயை ஒரு வாரம் வரை பயன்படுத்தலாம்.