உருளைக்கிழங்கு பைனாப்பிள் அல்வா

தேவையானவை:

உருளைக்கிழங்கு-1
அன்னாசிப் பழத் துண்டுகள்- 1 கிண்ணம்
சர்க்கரை- அரை கிண்ணம்
நெய்- 2 தேக்கரண்டி
ஏலக்காய்த் தூள்- சிறிதளவு
அன்னாசி எசன்ஸ்- சிறிதளவு
நெய்யில் வறுத்த முந்திரி- திராட்சை- கால் கிண்ணம்

செய்முறை: 

உருளைக்கிழங்கை வேக வைத்து தோலை நீக்கி, மசிக்கவும். அன்னாசிப் பழத் துண்டுகளை மிக்ஸியில் நன்கு விழுதாக்கவும். அடிகனமான பாத்திரத்தில் மசித்த உருளைக்கிழங்கு, அன்னாசிப் பழ விழுது, சர்க்கரை சேர்த்து அடுப்பில் வைத்து கிளற வேண்டும். கலவை கெட்டியாக வரும்போது நெய்யை சேர்த்து சிறிது, சிறிதாகக் கிளற வேண்டும். 

கடைசியாக ஏலக்காய்த் தூள், எசன்ஸ் சேர்த்து கிளறி, நெய்யில் வறுத்த முந்திரி, திராட்சையும் சேர்த்து நன்கு கிளறி இறக்கினால் உருளைக்கிழங்கு பைனாப்பிள் அல்வா தயார்.