ஆலு கி லௌஞ்சி (பஞ்சாப்)

தேவையான பொருள்கள்: 

உருளைக்கிழங்கு 4
எண்ணெய் 4 மேசைக்கரண்டி
சோம்பு, சீரகம் சிறிதளவு
மஞ்சள் தூள், பெருங்காயத் தூள் தலா கால் மேசைக்கரண்டி
மிளகாய்த் தூள், சர்க்கரை 2 மேசைக்கரண்டி
உப்பு தேவையான அளவு
அரிந்த வெந்தயக் கீரை 1 கிண்ணம்

செய்முறை: 

உருளைக்கிழங்கை வேக வைத்து, தோலுரித்து அங்குலம் அளவில் துண்டுகளாக நறுக்கவும். வாணலியில் எண்ணெய் சேர்க்கவும், சீரகம், மஞ்சள் தூள், பெருங்காயத் தூள், வெந்தயக் கீரை சேர்த்து வதக்கவும், உருளைக்கிழங்கு துண்டங்கள், உப்பு, மிளகாய்த் தூள், சர்க்கரை, 2 கிண்ணம் தண்ணீர் சேர்க்கவும். 5 நிமிடங்கள் கொதித்தவுடன் அடுப்பை அணைக்கவும். சோம்பை தூளாக்கி மேலாகத் தூவவும்.