கஸ்தா ஆலு (மகாராஷ்டிரா)

தேவையான பொருள்கள்:

சின்ன உருளைக்கிழங்கு 15
தக்காளி வெங்காயம் தலா 2
உப்பு, எண்ணெய், சீரகம் தேவையான அளவு
சோம்பு, தனியா, வேர்க்கடலை தலா 1 மேசைக்கரண்டி
மிளகாய் வற்றல் 5
கொப்பரைத் தேங்காய் 2 மேசைக்கரண்டி
கொத்தமல்லி சிறிதளவு

செய்முறை: 

தக்காளி, வெங்காயத்தை அரைக்கவும். உருளைக்கிழங்கை தோலுடன் வேக வைக்கவும். அதை உள்ளங்கையில் அழுத்தி வட்டமாகச் செய்யவும். எண்ணெயில் பொரிக்கவும். சீரகம், தனியா, சோம்பு, வேர்க்கடலை, கொப்பரையை விழுதாக அரைக்கவும். வாணலியில் 2 மேசைக்கரண்டி எண்ணெய் சேர்த்து அரைத்த தக்காளி விழுது, 2 கிண்ணம் தண்ணீர், தேவையான உப்பை சேர்க்கவும். பொரித்த உருளை, அரைத்த விழுது சேர்க்கவும், தளதளவென கொதிக்கும்போது, அடுப்பை அணைக்கவும். கொத்தமல்லியில் அலங்கரித்துப் பரிமாறவும்.