வெண்பூசணி அவியல்

தேவையான பொருள்கள்:

வெண் பூசணிக்காய் (நடுத்தர அளவு) - 1

தேங்காய்த் துருவல் - 1 மூடி

தயிர் - கால் கிண்ணம்

பச்சை மிளகாய் - 3

சீரகம் - ஒரு தேக்கரண்டி

தேங்காய் எண்ணெய் - ஒரு மேஜை கரண்டி

கறிவேப்பிலை, உப்பு -தேவைக்கு

தாளிக்க - கடுகு, உ.பருப்பு, க. பருப்பு.

செய்முறை:

பூசணியை சிறிது தண்ணீர், உப்பு சேர்த்து வேகவிடவும். தேங்காய், பச்சை மிளகாய், சீரகம் போன்றவற்றை விழுதாக அரைக்கவும். வெண்பூசணியுடன் அரைத்த விழுதைச் சேர்த்து கொதிக்கவிட்டு தயிர் சேர்த்து அடுப்பை அணைக்கவும். தேங்காய் எண்ணெயில் கறிவேப்பிலையை தாளித்துக் கொட்டவும்.

நாகஜோதி கிருஷ்ணன்