தீராத விளையாட்டுப் பிள்ளைகள்- சிறுவர் பாடல்

குட்டிக் குட்டிப் பிள்ளைகள்

கூடிச் சிரிக்கும் முல்லைகள்

சுட்டித் தனமே பண்ணுவோம்

சேர்ந்து பண்டம் தின்னுவோம்!

பட்டம் விட்டுப் பார்ப்போமே

பலரை ஒன்றாய்ச் சேர்ப்போமே

திட்டி விரட்டும் பெரியோர்க்கு

தொந்தரவின்றி இருப்போமே!

விட்டும் தொட்டும் ஓடிடுவோம்

வீடுகள் புகுந்து ஆடிடுவோம்

கொட்டும் மழையை ரசிப்போமே

குட்டிப் படகுகள் விடுவோமே!

கார்ட்டூன் டிவி எப்போதும்

சுகமாய்ப் பார்த்தால் தப்பேது?

மிட்டாய் வாங்கிக் கடிப்போமே

மேலும் நன்றாய்ப் படிப்போமே!