பசு

அன்பின் வடிவம் பசுவாகும்

அதுநம் தெய்வ வடிவாகும்

பச்சைப் புல்லைத் தின்றிடுமே

பாலைத் தந்து காத்திடுமே!

கொம்புகள் இருக்கும் என்றாலும்

குத்தி விரட்ட நினைக்காது

நம்பும் நமக்கு நாள்தோறும்

நல்லது செய்யும் பகைக்காது!

அன்னை போன்றது பசுவாகும்

அதனை வதைத்தல் மிகப்பாவம்

உன்னை என்னைப் பசியாற்றி

உலகில் காப்பது அதுவாகும்!

செல்வம் பெருக்கும் கோமாதா

சிறப்பைக் கொடுக்கும் என்பதனால்

உள்ளம் தன்னில் அதையென்றும்

உயர்வாய் எண்ணி மதித்திடுவோம்!