நடை வண்டி!

தம்பிப் பாப்பா ஓட்டவே 
தச்சர் செய்த வண்டியாம்!
சின்னக் கையில் தள்ளினால் 
சீறிக்கொண்டு போகுமாம்!

குட்டித் தம்பி நடக்கவே 
கூட்டிக்கொண்டு போகுமாம்!
தத்தித் தத்தி நடந்துமே 
தானே நடக்கப் பழக்குமாம்!

மட்டமான தரையிலே 
மளமளவென்று ஓடுமாம்!
குட்டிப் பள்ளம் இருந்தாலோ
குலுங்கிக் குலுங்கி ஆடுமாம்!

தம்பிக் காகக் கடையிலே 
தாத்தா வாங்கி வந்ததாம்!
இந்த அழகு வண்டிக்கு 
இட்ட பேரு "நடை வண்டி!'