கதைப் பாடல்: குட்டிப் பூனையும் குட்டிப் பெட்டியும்...

குட்டிப் பெட்டி வேண்டுமென்று
    குட்டிப் பாப்பா அழுதது!
அங்கும் இங்கும் ஓடிஓடி 
    அம்மா அப்பா தேடினர்

அவர்கள் போட்ட சத்தத்தில்
    பயந்துபோன பூனைக்குட்டி
பாய்ந்து பாய்ந்து குதித்தது
    அடுக்களையில் புகுந்தது! 

அதையும் இதையும் உருட்டுது
    பூனை போட்ட சத்தத்தில்
அம்மா அப்பா ஓடியே
    நின்று பார்த்து திகைத்தனர்!

அடுக்களையில் பூனைக் குட்டி
    அதனருகே குட்டிப் பெட்டி
குட்டிப்பூனை செய்த குறும்பை
    மகிழ்ச்சி பொங்க பார்த்தனர்!
    

குட்டிப் பெட்டி கிடைத்தது
    குட்டிப் பாப்பா சிரித்தது
குட்டிப் பெட்டியில் இருந்ததோ
    குட்டிப் பாப்பா இனிப்புகள்!