நிச்சயிக்கப்பட்ட திருமணம் ஏன்?

காதல் திருமணங்கள் பெருகிவிட்ட இந்தக் காலத்தில் பெற்றோர் பார்த்து நிச்சயிக்கும் திருமணத்தினால் என்ன பயன் என்று பட்டியிலிட்டிருக்கிறோம்.
 • வயது வித்தியாசம் சரியான முறையில் இருக்கும். காதலித்து திருமணம் செய்து கொள்பவர்கள் வயது வித்தியாசத்தைப் பார்ப்பதில்லை.
 • பெண்ணும், பையனும் தங்கள் எதிர்பார்ப்புகள் என்னவென்று பெற்றோரிடம் கூறி அதற்கேற்றபடி துணையைத் தேர்ந்தெடுக்க முடியும்.
• பொருளாதார நிலை,குடும்ப சூழ்நிலைக்கு ஏற்ற வகையில் துணையைத் தேர்ந்தெடுக்கலாம்.
• நிச்சயிக்கும் முன்பு அந்த வரனைக் குறித்த குடும்ப பின்னணி, படிப்பு என அனைத்து பின்புலங்களையும் பெரியவர்கள் விசாரித்துவிடுவார்கள். அதன் பின்புதான் நிச்சயிப்பார்கள்.
• திருமணத்திற்கு பின்பு இருவருக்குள்ளும் ஏதேனும் பிரச்னை ஏற்பட்டால் தைரியமாக பெரியவர்களை அணுகி அறிவுரைகளைப் பெற்றுக் கொள்ள முடியும்.
• பெற்றோரால் நிச்சயிக்கப்பட்ட திருமணங்களின் அச்சாரம் பொறுப்புதான். பொறுப்புகள் அதிகரிக்க அதிகரிக்க இருவருக்குமான உறவு வலுப்படும்.