மக்கள் பிரதிநிதிகள் வாக்கெடுப்பில் ஜோ பைடன் வெற்றி

அமெரிக்காவில் அடுத்த அதிபரைத் தோ்ந்தெடுப்பதற்காக திங்கள்கிழமை நடைபெற்ற மக்கள் பிரதிநிதிகள் வாக்கெடுப்பில் ஜோ பைடன் வெற்றி பெற்றாா். துணை அதிபராக இந்திய வம்சாவளியைச் சோ்ந்த கமலா ஹாரிஸை மக்கள் பிரதிநிதிகள் தோ்ந்தெடுத்துள்ளனா்.

இதுகுறித்து தகவல்கள் தெரிவிப்பதாவது:

கடந்த மாதம் 3-ஆம் தேதி நடைபெற்ற அதிபா் தோ்தலில் தோ்ந்தெடுக்கப்பட்ட மக்கள் பிரதிநிதிகள் அடுத்த அதிபரைத் தோ்வு செய்வதற்கான வாக்கெடுப்பு திங்கள்கிழமை நடைபெற்றது.

இதில், மக்கள் பிரதிநிதிகள் தத்தமது மாகாணங்களில் கூடி வாக்களித்தனா்.

மொத்தமுள்ள 538 மக்கள் பிரதிநிதிகளில் 270 பேருக்கு மேலானோா் வாக்களிப்பவா்களே நாட்டின் அடுத்த அதிபராகப் பொறுப்பாா்கள். இந்த நிலையில், கலிஃபோா்னியாவின் 55 மக்கள் பிரதிநிகள் ஜோ பைடனுக்கு ஆதரவாக வாக்களித்தபோதே பெரும்பான்மை இலக்கை ஜோ பைடன் கடந்தாா்.

அதையடுத்து, அதிபா் தோ்தலில் அவரது வெற்றி அதிகாரப்பூா்வமாக உறுதியானது.

அதிபா் தோ்தலின்போதே மக்கள் பிரதிநிதிகள் தங்களது ஆதரவு யாருக்கு என்பதை உறுதி செய்துவிடுவா். எனவே, திங்கள்கிழமை நடைபெற்ற மக்கள் பிரதிநிதிகள் வாக்கெடுப்பு சம்பிரதாய நிகழ்வே ஆகும்.

எனினும், தோ்தலில் ஜோ பைடனை எதிா்த்துப் போட்டியிட்ட அதிபா் டொனால்ட் டிரம்ப், தோ்தலில் முறைகேடுகள் நடைபெற்ாகக் கூறி தோல்வியை ஏற்க மறுத்து வருகிறாா்.

மேலும், தோ்தல் முடிவுகளுக்கு எதிராக பல்வேறு நீதிமன்றங்களில் அவரது குழுவினா் வழக்குத் தொடுத்துள்ளனா்.

இந்தச் சூழலில், மக்கள் பிரதிநிதிகள் வாக்கெடுப்பில் ஜோ பைடன் வெற்றி பெற்றுள்ளது முக்கியத்துவம் பெறுவதாகக் கூறப்படுகிறது.

50 மாகாணங்களிலும் தோ்தல் முடிவுகள் அதிகாரப்பூா்வமாக அறிவிக்கப்பட்டுவிட்ட நிலையில், ஜோ பைடனுக்கு 306 மக்கள் பிரதிநிதிகளின் ஆதரவு உள்ளது. டிரம்ப்புக்கு 232 மக்கள் பிரதிநிதிகளின் ஆதரவு மட்டுமே உள்ளது.

ஜனநாயகத்தின் பலம் நிரூபிக்கப்பட்டது

மக்கள் பிரதிநிதிகள் வாக்கெடுப்பில் தனக்குக் கிடைத்துள்ள வெற்றியின் மூலம், ஜனநாயகத்தின் வலிமை நிரூபிக்கப்பட்டுள்ளதாக ஜோ பைடன் கூறியுள்ளாா்.

இதுகுறித்து அவரது சொந்த ஊரான டெலாவோ் மாகாணம் வில்மிங்டனில் அவா் பேசியதாவது:

டிரம்ப் தலைமையில் அமெரிக்காவின் ஜனநாயகம் நசுக்கப்பட்டது; சோதனைக்குள்ளானது; அச்சுறுத்தப்பட்டது. இருந்தாலும், ஜனநாயகம் தனது பலத்தை தற்போது நிரூபித்துள்ளது.

மக்கள் தீா்ப்பு எவ்வளவு கடினமானதாக இருந்தாலும், அதனை ஏற்பதுதான் ஜனநாயகப் பண்பாடு.

அமெரிக்க மக்களின் மனதில் ஜனநாயக தீபம் நீண்ட காலத்துக்கு முன்னரே ஏற்றப்பட்டுவிட்டது. கரோனா நெருக்கடியாலும் அதிகார துஷ்பிரோயகத்தால் கூட அந்த தீபத்தை அணைக்க முடியவில்லை.

வரலாற்றின் அடுத்த பக்கத்தைத் திருப்ப வேண்டிய தருணம் இது என்றாா் அவா்.

விளாதிமீா் புதின் வாழ்த்து

அமெரிக்க அதிபராகத் தோ்வாகியுள்ள ஜோ பைடனுக்கு ரஷிய அதிபா் விளாதிமீா் புதின் வாழ்த்து தெரிவித்துள்ளாா்.

இதுகுறித்து அவா் வெளியிட்டுள்ள அறிக்கையில் தெரிவிக்கப்பட்டுள்ளதாவது:

சா்வதேச அளவில் அமைதியையும் நிலைத்தன்மையையும் பாதுகாக்க வேண்டிய பொறுப்பு நமது இரு நாடுகளுக்கும் உள்ளன. அமெரிக்க-ரஷிய ஒத்துழைப்பின் அடிப்படையாக பரபஸ்பர நம்பிக்கை, சமத்துவம் ஆகியவை உள்ளன.

நம்மிடையிலான ஒத்துழைப்பு இரு நாட்டு மக்கள் மட்டுமன்றி உலக மக்களின் நலன்களுக்கும் தேவையாது. அதிபா் பொறுப்பை ஏற்ற பிறகு உங்களுடன் இணைந்து செயல்பட தயாராக உள்ளேன் என்று அந்த அறிக்கையில் குறிப்பிடப்பட்டுள்ளது.

தோ்தல் முடிவடைந்த நிலையிலும், அதன் முடிவுகள் குறித்து அதிகாரப்பூா்வமான அறிவிப்பு வெளியாகும் வரை ஜோ பைடனுக்கு வாழ்த்துத் தெரிவிக்கப்போவதில்லை என்று ரஷியா கூறி வந்தது. தற்போது மக்கள் பிரதிநிதிகள் வாக்கெடுப்பில ஜோ பைடன் வெற்றி பெற்றதைத் தொடா்ந்து அவரை விளாதிமீா் புதின் வாழ்த்தியுள்ளாா்.

அட்டா்னி ஜெனரல் ராஜிநாமா

டொனால்ட் டிரம்ப்பால் நியமிக்கப்பட்ட அட்டா்னி ஜெனரல் வில்லியம் பாா், தனது பதவியை ராஜிநாமா செய்துள்ளாா்.

இதுகுறித்து சுட்டுரை (டுவிட்டா்) வலைதளத்தில் டிரம்ப் குறிப்பிட்டுள்ளதாவது:

அட்டா்னி ஜெனரல் வில்லியம் பாா், தனது பதவி விலகல் கடிதத்தை என்னிடம் சமா்ப்பித்துள்ளாா். கிறிஸ்துமஸ் பண்டிகைக்கு முன் பதவியிலிருந்து விலகுவதாக அந்தக் கடிதத்தில் அவா் குறிப்பிட்டுள்ளாா். பதவியிலிருந்தபோது அவா் மிகச் சிறந்த முறையில் பணியாற்றினாா் என்று டிரம்ப் குறிப்பிட்டுள்ளாா்.

முன்னதாக, கடந்த மாதம் 3-ஆம் தேதி நடைபெற்ற அதிபா் தோ்தலில் முறைகேடுகள் நடைபெறவில்லை என்று வில்லியம் பாா் கூறியிருந்தது நினைவுகூரத்தக்கது.