பிலிப்பின்ஸில் நிலநடுக்கம்: ரிக்டர் அளவில் 6.3 ஆகப் பதிவு

பிலிப்பின்ஸின் லூசோன் தீவில் உள்ள படங்காஸ் மாகாணத்தை நிலநடுக்கம் தாக்கியுள்ளது. இது ரிக்டர் அளவில் 6.3 ஆகப் பதிவாகியுள்ளதாக அதிகாரிகள் தெரிவித்தனர். 

பிலிப்பின்ஸ் நில அதிர்வு மற்றும் எரிமலை நிறுவனம் வெளியிட்ட தகவலின்படி, 

இன்று காலை 7.43 மணிக்கு ஏற்பட்ட இந்த நிலநடுக்கம் 102 கி.மீ ஆழத்தில், கலடகன் நகரிலிருந்து தென்மேற்கே சுமார் 11 கி.மீ தொலைவில், மணிலாவிலிருந்து 100 கி.மீ தெற்கே தாக்கியுள்ளது. 

மெட்ரோ மணிலா மற்றும் அருகிலுள்ள மாகாணங்களான படங்காஸ், லாகுனா, கேவைட், ரிசால் ஆகிய பகுதிகளிலும் நிலநடுக்கம் உணரப்பட்டதாக நிறுவனம் தெரிவித்துள்ளது.

இந்த நிலநடுக்கம் சுனாமியை உருவாக்காது என்று பிவோல்க்ஸ் இயக்குனர் ரெனாடோ சோலிடம் தெரிவித்தார்.

இதுவரை நிலநடுக்கத்தினால் சேதம் ஏற்பட்டதாக எந்த தகவலும் இல்லை என்று (என்.டி.ஆர்.ஆர்.எம்.சி) செய்தித் தொடர்பாளர் தெரிவித்துள்ளார். 

பசிபிக் "ரிங் ஆஃப் ஃபயர்" உடன் அமைந்துள்ளதால் பிலிப்பின்ஸில் அடிக்கடி நில அதிர்வு ஏற்படுகின்றது என்பது குறிப்பிடத்தக்கது.