இந்திய பொருளாதாரம் வேகமாக மீண்டெழ முடியும்: ஐ.நா.

தெற்காசிய பகுதிகளில் இந்திய பொருளாதாரம் வேகமாக மீண்டெழுந்து மிகவும் நெகிழ்வுத் தன்மை கொண்டது என்பதை நிரூபிக்க முடியும் என ஐ.நா. தெரிவித்துள்ளது.

ஆசியா மற்றும் பசிபிக் பகுதியில் 2020/2021-இல் அந்நிய நேரடி முதலீட்டுப் போக்குகள் மற்றும் கண்ணோட்டம் என்ற தலைப்பில் ஐ.நா. வெளியிட்டுள்ள ஆய்வறிக்கையில் தெரிவிக்கப்பட்டுள்ளதாவது:

கரோனா பாதிப்புக்கு பிந்தைய நிலையில் இந்தியாவின் பொருளாதார வளா்ச்சி குறைவாக இருப்பினும் சாதகமாக அம்சங்கள் நிறையவே உள்ளன. அந்த நாட்டின் சந்தை தொடா்ந்து பெரிய அளவில் முதலீடுகளை ஈா்க்கும்.

தெற்கு மற்றும் தென்-மேற்கு ஆசிய பகுதிகளில் நீண்ட கால அடிப்படையில், இந்தியப் பொருளாதாரம் வேகமாக மீண்டெழுந்து மிகவும் நெகிழ்வு தன்மை கொண்டது என்பதை நிரூபணம் செய்ய முடியும்.

தெற்கு மற்றும் தென்-மேற்கு ஆசியாவில் அந்நிய முதலீட்டு வரத்தது கடந்த 2018-இல் 6,700 கோடி டாலராக இருந்தது. இது, 2019-ஆம் ஆண்டில் 2 சதவீதம் குறைந்து 6,600 கோடி டாலரானது.

எவ்வாறாகிலும், இந்த முதலீட்டு வளா்ச்சியின் இயக்கத்துக்கு இந்தியா பெரும்பங்கை ஆற்றியுள்ளது. மொத்த அந்நிய நேரடி முதலீட்டு வரத்தில் இந்தியாவின் பங்களிப்பு 77 சதவீதமாகும்.

அதன்படி 2019-இல் 5,100 கோடி டாலா் மதிப்பிலான அந்நிய முதலீட்டை இந்தியா ஈா்த்துள்ளது. இது, முந்தைய 2018-ஆம் ஆண்டைக் காட்டிலும் 20 சதவீதம் அதிகம் என்பது கவனிக்கத்தக்கது.

சா்வதேச அந்நிய நேரடி முதலீட்டில் ஆசிய-பசிபிக் நாடுகளின் பங்களிப்பு 2019-இல் 35 சதவீதமாக குறைந்துள்ளது. இது, 2018-இல் 45 சதவீதமாக இருந்தது. அதேபோன்று, அந்நிய நேரடி முதலீடு வெளியேற்றத்திலும் இப்பிராந்திய நாடுகளின் பங்களிப்பானது 52 சதவீதத்திலிருந்து குறைந்து 41 சதவீதமாகியுள்ளது என ஐ.நா. அந்த ஆய்வறிக்கையில் தெரிவித்துள்ளது.