நாசாவின் செயல் தலைவராக இந்திய -அமெரிக்கரான பவ்யா லால் நியமனம்

நாசாவின் செயல் தலைவராக இந்திய - அமெரிக்கரான பவ்யா நாயரை அமெரிக்க அதிபர் ஜோ பைடன் நிர்வாகம் நியமனம் செய்துள்ளது.

இது குறித்து நாசா வெளியிட்டிருக்கும் அறிக்கையில், பவ்யா லால், பொறியியல் மற்றும் விண்வெளி தொழில்நுட்பத்தில் அளப்பரிய அனுபவங்களைக் கொண்டு வருகிறார், இவர் 2005- ஆம் ஆண்டு முதல் 2020 வரை பாதுகாப்பு ஆராய்ச்சி அறிவியல் மற்றும் தொழில்நுட்பக் கொள்கை மையத்தின் ஆராய்ச்சி ஊழியராகப் பணியாற்றி வந்தவர் என்று தெரிவிக்கப்பட்டுள்ளது.

அவர் அறிவியல் மற்றும் தொழில்நுட்ப கொள்கையின் வெள்ளை மாளிகை அலுவலகத்தில், விண்வெளி தொழில்நுட்பம், கொள்கை உள்ளிட்ட துறைகளின் தலைமைப் பொறுப்பை வகித்து வந்தார்.

பவ்யா லால், அணுசக்தி பொறியியல் பிரிவில் இளநிலை மற்றும் முதுகலை பட்டம் பெற்றுள்ளார், தொழில்நுட்பம் மற்றும் கொள்கைப் பிரிவில் முதுகலை பட்டத்தையும், பொதுக் கொள்கை மற்றும் பொது நிர்வாகப் பிரிவில் பிஎச்.டி.யும் முடித்தவர்.