துருக்கியில் மினி பேருந்து விபத்து: 12 பேர் பலி

துருக்கியில் மினி பேருந்து விபத்துக்குள்ளானதில் 12 பேர் பலியானார்கள். 
துருக்கியின் முரடியே மாவட்டத்தில் சட்டவிரோதமாக குடியேறியவர்களை ஏற்றிச் சென்ற மினி பேருந்து ஓட்டுநரின் கட்டுப்பாட்டை இழந்து இன்று விபத்துக்குள்ளானது. இதையடுத்து அந்த வாகனம் தீப்பற்றி எரிந்தது. 
இந்த சம்பவத்தில் 12 பேர் பலியானார்கள். 26 பேர் காயமடைந்தனர். உடனடியாக அவர்கள் அனைவரும் அருகிலிருந்த மருத்துவமனையில் அனுமதிக்கப்பட்டனர். இதுதொடர்பாக பேருந்து உரிமையாளர் கைது செய்யப்பட்டுள்ளார்.