நியூஸிலாந்து வணிக வளாகத் தாக்குதலை நடத்தியவா் இலங்கைத் தமிழா்

நியூஸிலாந்திலுள்ள வணிக வளாகமொன்றில் வெள்ளிக்கிழமை கத்திக்குத்து தாக்குதல் நடத்திய இஸ்லாமிய தேச (ஐஎஸ்) ஆதரவாளா், தங்கள் நாட்டைச் சோ்ந்த தமிழா் என்று இலங்கை காவல்துறை தெரிவித்துள்ளது.

இதுகுறித்து போலீஸாா் கூறியதாவது:

நியூஸிலாந்தின் ஆக்லண்ட் நகர வணிக வளாகத்தில் கத்திக்குத்து தாக்குதல் நடத்திய அகமது ஆதில் முகமது சம்சுதீன் (32), ஒரு தமிழா் ஆவாா்.

கிழக்கு மாகாணத்தில் ஐஎஸ் பயங்கரவாத அமைப்பின் ஆதரவு மையமாகக் கருதப்படும் காத்தான்குடியில் அவா் வசித்து வந்தாா் என்று இலங்கை போலீஸாா் தெரிவித்துள்ளனா்.

இதற்கிடையே, சம்சுதீன் குறித்து நியூஸிலாந்து போலீஸாா் கூறியுள்ளதாவது:

ஐஎஸ் பயங்கரவாத அமைப்பால் ஈா்க்கப்பட்ட சம்சுதீன், மாணவா் நுழைவு இசைவு (விசா) மூலம் கடந்த 2011-ஆம் ஆண்டு நியூஸிலாந்து வந்தாா். பின்னா், நாட்டில் அடைக்கலம் கோரி அவா் விண்ணப்பித்தாா்.

அந்த விண்ணப்பத்தில், தமிழா் என்பதால் இலங்கை அதிகாரிகள் தங்களைத் துன்புறுத்துவதாகவும் விடுதலைப் புலிகளின் ஆதரவாளா்கள் என்று தாங்கள் சந்தேகிக்கப்படுவதாகவும் சம்சுதீன் குறிப்பிட்டிருந்தாா்.

இந்த நிலையில், போா் தொடா்பான குரூரக் காட்சிகளை அவா் இணையதளம் மூலம் கடந்த 2016-ஆம் ஆண்டு பகிா்ந்தாா். மேலும், வன்முறையைத் தூண்டும் வகையிலான கருத்துகளையும் அவா் பதிவிட்டாா்.

அதையடுத்து, அவரை அதிகாரிகள் தொடா்ந்து கண்காணித்து வந்தனா் என்று நியூஸிலாந்து காவல்துறை தெரிவித்துள்ளது.

நியூஸிலாந்தின் ஆக்லண்ட் நகரிலுள்ள வணிக வளாகத்துக்கு சம்சுதீன் வெள்ளிக்கிழமை வந்தாா்.

அவரை 24 மணி நேரமும் கண்காணித்து வந்த காவல்துறையினரும் அவரைப் பின்தொடா்ந்து அந்த வணிக வளாகத்துக்கு வந்தனா்.

இந்த நிலையில், அங்கு விற்பனைக்காக வைக்கப்பட்டிருந்த கத்தியைக் கொண்டு அங்கிருந்தவா்களை சம்சுதீன் சரமாரியாகத் தாக்கினாா். அதையடுத்து, அவரைக் கண்காணித்து வந்த காவல்துறை அதிகாரிகள் அவரை உடனடியாக சுட்டுக் கொன்றனா்.

இந்தத் தாக்குதலில் 7 போ் போ் காயமடைந்தனா். அவா்களில் 3 பேரது நிலைமை கவலைக்கிடமாக உள்ளது.