Enable Javscript for better performance
ஆயிரம் கோடி ரூபாய்க்கு மேல் லாபத்தை ஈட்டிய கூகுளின் தாய் நிறுவனம்- Dinamani

சுடச்சுட

    ஆயிரம் கோடி ரூபாய்க்கு மேல் லாபத்தை ஈட்டிய கூகுளின் தாய் நிறுவனம்

    By DIN  |   Published on : 27th October 2021 11:48 AM  |   அ+அ அ-   |    |  

    Google introduces new feature to protect cell phone photos

    கோப்புப்படம்

    ஒழுங்குமுறை விதிகள் காரணமாக கூகுளின் தாய் நிறுவனமான ஆல்பாபெட் பல கட்டுப்பாடுகளுக்கு உள்ளானது. இதன் காரணமாக அந்நிறுவனம் பெரும் அழுத்தத்தை சந்திக்க நேரிட்டது. ஊரடங்கு காரணமாக பணி முறை பெரும் மாற்றத்திற்கு உள்ளானது. இந்த சவால்களுக்கு மத்தியில், ஆல்பாபெட் நிறுவனம் 1424 கோடி ரூபாய்க்கு மேல் லாபத்தை ஈட்டியுள்ளது.

    தேடல் இயந்திரம், விளம்பர சந்தை பகுதி, உலகளவில் ஆதிக்கத்தை செலுத்தும் யூடியூப் என இணைய செயல்பாடுகளின் மையப்புள்ளியாக கூகுள் திகழ்ந்துள்ளது. சமீபத்தில் முடிந்த காலாண்டில், 65.1 பில்லியன் அமெரிக்க டாலர்களை வருவாயாக அந்நிறுவனம் ஈட்டியுள்ளது. இது, கடைசி ஆண்டில் இதே காலாண்டில் ஈட்டிய வருமானத்தை விட 41 சதவிகிதம் அதிகமாகும்.

    கூகுளின் இணைய விளம்பர இயந்திரம் மற்றும் இதர பிற சேவைகள் பெரிய அளவில் வளர்ச்சி கண்டுள்ளதாக டெக் டைட்டன் நிறுவனம் தெரிவித்துள்ளது. அதேபோல், வாடிக்கையாளர்களின் முக்கிய தகவல்களை வெளியிட்டதாக பேஸ்புக் மீது குற்றச்சாட்டு எழுப்பப்பட்ட போதிலும், அது பெரிய லாபத்தை எட்டியுள்ளதாக அறிவிக்கப்பட்டுள்ளது. அந்த வரிசையில், மைக்ரோசாப்ட் நிறுவனமும் லாபத்தை ஈட்டியுள்ளது.

    ஆனால், அதற்கு நேர்மாறாக ட்விட்டர் நிறுவனம் பெரும் இழப்பை சந்தித்துள்ளது. ட்விட்டர் நிறுவனத்தின் பங்குதாரர் நீதிமன்றத்தில் வழக்கு தொடர்ந்திருப்பது இழப்புக்கு காரணமாக இருக்கலாம் எனக் கூறப்பட்டுள்ளது. லாபம் ஈட்டியிருப்பது குறித்து கருத்து தெரிவித்துள்ள கூகுளின் தலைமை செயல் அலுவலர் சுந்தர் பிச்சை, "எங்களின் (செயற்கை நுண்ணறிவு) முதலீடுகள் மக்களுக்கும் எங்கள் கூட்டாளர்களுக்கும் மிகவும் பயனுள்ள தயாரிப்புகளை உருவாக்க எப்படி உதவுகின்றன என்பதை இந்த காலாண்டின் முடிவுகள் எடுத்துரைக்கின்றன.

    டிஜிட்டல் மாற்றம், வீட்டிலிருந்து பணி செய்யும் முறையும் அலுவலக பணி முறையும் தொடர்வதால், எங்கள் கிளவுட் சேவைகள் நிறுவனங்களை ஒத்துழைக்க உதவுகின்றன" என்றார். ஆல்பாபெட் வெளியிட்ட அறிக்கையின்படி, ஜூலை முதல் செப்டம்பர் வரையில், அதன் விடியோ சேவை மூலம் விளம்பரதாரர்களின் 7.2 பில்லியன் அமெரிக்க டாலர்கள் மதிப்புள்ள இலக்கு விற்கப்பட்டுள்ளது. இதே காலக்கட்டத்தில், கடைசி ஆண்டில், 5 பில்லியன் அமெரிக்க டாலர்கள் மதிப்பிலான இலக்கு விற்கப்பட்டது.

    இதையும் படிக்கபெகாஸஸ் விவகாரத்தை விசாரிக்க உச்சநீதிமன்றம் உத்தரவு

    ஆல்பாபெட்டின் தொலைதூர கணினியை மையப்படுத்திய வணிகம் மூலம் 5 பில்லியன் அமெரிக்க டாலர்கள் வருவாயாக வந்துள்ளன. அது கடைசி ஆண்டை விட 45 சதவிகிதம் அதிகமாகும்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp