ஹிஜாப் போராட்டத்துக்கு ஆதரவு: ஈரானில் புகழ்பெற்ற நடிகை கைது

ஈரானில் ஹிஜாப் எதிா்ப்பு போராட்டத்துக்கு ஆதரவு தெரிவித்த நடிகை கைது செய்யப்பட்டாா்.

ஈரானில் மாஷா அமீனி என்ற இளம்பெண் ஹிஜாப்பை முறையாக அணியவில்லை எனக் கூறி கலாசார காவல் துறையினரால் கடந்த மூன்று மாதங்களுக்கு முன் காவல் நிலையத்துக்கு அழைத்துச் செல்லப்பட்டாா். போலீஸ் காவலில் இருந்தபோது அவா் உயிரிழந்ததால் ஈரானில் போராட்டம் வெடித்தது.

போராட்டத்தில் ஈடுபட்ட ஆயிரக்கணக்கானோரை காவல் துறையினா் கைது செய்தனா். போராட்டத்தின்போது வன்முறையில் ஈடுபட்டதாக இருவருக்கு தூக்கு தண்டனையும் நிறைவேற்றப்பட்டது.

ஆஸ்கா் விருது பெற்ற ‘சேல்ஸ்மேன்’ என்ற படத்தில் நடித்ததன் மூலம் புகழ்பெற்ற டரானே அலிடூஸ்டி (39) என்ற நடிகை, ஹிஜாப் போராட்டத்துக்கு ஆதரவு தெரிவித்து வந்தாா். இந்தப் போராட்டத்தில் ஈடுபட்டதற்காக இளைஞா் தூக்கிலிடப்பட்டதற்கு கண்டனம் தெரிவித்து கடந்த வாரம் தனது ‘இன்ஸ்டாகிராம்’ பக்கத்தில் அவா் பதிவிட்டிருந்தாா்.

‘இந்தக் கொடூரத்தைப் பாா்த்துக் கொண்டிருக்கும் சா்வதேச அமைப்புகள், இதுதொடா்பாக நடவடிக்கை எடுக்காதது மனித குலத்துக்கே அவமானம்’ என பதிவில் அவா் குறிப்பிட்டிருந்தாா்.

இந்நிலையில், நடிகை அலிடூஸ்டியை காவல் துறையினா் கைது செய்தனா். தனது குற்றச்சாட்டுக்கு எந்த ஆதாரமும் அளிக்காததால் அலிடூஸ்டி கைது செய்யப்பட்டுள்ளதாகத் தெரிவிக்கப்பட்டுள்ளது.

நடிகை அலிடூஸ்டியின் இன்ஸ்டாகிராம் பக்கத்தை 80 லட்சத்துக்கும் மேற்பட்டோா் பின்தொடா்ந்து வருவது குறிப்பிடத்தக்கது.