பிரிட்டன் பிரதமா் பதவிப் போட்டி: கருத்துக் கணிப்புகளில் ரிஷி சுனக்குக்குப் பின்னடைவு

பிரிட்டனின் புதிய பிரதமரைத் தோ்ந்தெடுப்பதற்காக ஆளும் கன்சா்வேட்டிவ் கட்சிக்குள் நடக்கும் போட்டி குறித்து கட்சி உறுப்பினா்களிடையே நடத்தப்பட்ட கருத்துக் கணிப்பில், இந்திய வம்சாவளி வேட்பாளா் ரிஷி சுனக் பின்னடைவை சந்தித்துத்துள்ளதாகக் கூறப்படுகிறது.

இது குறித்து அந்த நாட்டு ஊடகங்கள் தெரிவித்துள்ளதாவது:

பதவி விலகியுள்ள பிரதமா் போரிஸ் ஜான்ஸனுக்கு பதிலாக புதிய பிரதமரை நியமிப்பதற்காக கன்சா்வேட்டிவ் கட்சிக்குள் நடைபெறும் போட்டியில், கட்சி எம்.பி.க்களிடையே முன்னாள் நிதியமைச்சா் ரிஷி சுனக்குக்கு அதிக ஆதரவு இருப்பதாகக் கூறப்படுகிறது.

எனவே, இந்தப் போட்டியில் வெற்றி பெற்று பிரிட்டனின் அடுத்த பிரதமராகப் பொறுப்பேற்பதற்கான வாய்ப்புகள் அதிகம் உள்ளவா்களின் பட்டியலில் ரிஷி சுனக் தொடா்ந்து முதலிடத்தில் இருந்து வருவதாகக் கருதப்படுகிறது.

அதனை நிரூபிக்கும் வகையில், கட்சியின் புதிய தலைவரைத் தோ்ந்தெடுப்பதற்காக புதன்கிழமை நடைபெற்ற முதல் சுற்று வாக்குப் பதிவில் ரிஷி சுனக் 88 எம்.பி.க்களின் ஆதரவைப் பெற்று முதலிடத்தைப் பிடித்தாா்.

அவருக்கு அடுத்தபடியாக, வா்த்தகத் துறை இணையமைச்சா் பென்னி மாா்டன்ட்டை ஆதரித்து 67 எம்.பி.க்கள் வாக்களித்தனா். அவரும், பிரிட்டனின் புதிய பிரதமா் ஆவதற்கு அதிக வாய்ப்புகள் உள்ளவா்களில் ஒருவராகக் கருதப்படுகிறாா்.

இந்தப் போட்டியில் வெற்றி பெறலாம் என்று நம்பபப்படும் மற்றொரு பெண் அமைச்சரான லிஸ் டிரஸ், 50 வாக்குகளுடன் 3-ஆவது இடத்தில் உள்ளாா்.

கடைசி இரண்டு இடங்களைப் பிடித்த இராக்கை பூா்விகமாகக் கொண்ட தற்போதைய நிதியமைச்சா் நாதிம் ஸஹாவி, சுகாதார மற்றும் சமூக நலக் குழு துணைத் தலைவா் ஜெரிமி ஹன்ட் ஆகிய இருவரும் போட்டியிலிருந்து விலக்கப்பட்டனா்.

அதனைத் தொடா்ந்து, அடுத்து நடைபெறும் வாக்கெடுப்புகளில் மிகக் குறைந்த வாக்குகளைப் பெற்ற போட்டியாளா் விலக்கப்படுவாா்.

கடைசியாக இரண்டு போட்டியாளா்கள் மட்டுமே களத்தில் இருக்கும் நிலையில், அவா்களில் ஒருவரை கட்சியின் தலைவராகவும் அதன் மூலம் நாட்டின் புதிய பிரதமராகவும் நாடு முழுவதும் உள்ள சுமாா் 1.5 லட்சம் கட்சி உறுப்பினா்கள் தபால் வாக்கு மூலம் தோ்ந்தெடுப்பாா்கள்.

அந்த வகையில், கட்சி எம்.பி.க்கள் கடைசி இரு வேட்பாளா்களைத் தோ்ந்தெடுத்தாலும், நாட்டின் பிரதமரை கட்சி உறுப்பினா்கள்தான் முடிவு செய்வாா்கள்.

இந்தச் சூழலில், கட்சி உறுப்பினா்களிடையே பிரிட்டனின் பல்வேறு கள ஆய்வு நிறுவனங்கள் கடந்த இரு நாள்களில் மேற்கொண்ட கருத்துக் கணிப்பில், எம்.பி.க்களின் முதல் சுற்று வாக்குப் பதிவில் இரண்டாவது இடத்தைப் பிடித்த பென்னி மாா்டன்டுக்கே அதிகம் போ் ஆதரவு தெரிவித்துள்ளனா்.

கட்சி உறுப்பினா்களிடையே ‘யூகவ்’ என்ற ஆய்வு நிறுவனம் செவ்வாய்க்கிழமை மற்றும் புதன்கிழமை நடத்திய கருத்துக் கணிப்பில், மாா்டன்ட் பிரதமா் ஆவதற்கு 27 சதவீதம் போ் விருப்பம் தெரிவித்திருந்தனா். கருத்துக் கணிப்பில் பங்கேற்ற கட்சி உறுப்பினா்களில் 13 சதவீத்தினா் மட்டுமே ரிஷி சுனக்குக்கு ஆதரவு தெரிவித்தனா்.

அதே போல், ‘ரிஷி சுனக், பென்னி மாா்டன்ட் ஆகிய இருவரில் யாரை பிரதமராகத் தோ்ந்தெடுப்பீா்கள்?’ என்ற கேள்விக்கு, கருத்துக் கணிப்பில் பங்கேற்ற 67 சதவீத கட்சி உறுப்பினா்கல் பென்னி மாா்டன்டுக்கு ஆதரவு தெரிவித்திருந்தனா். ரிஷி சுனக்கை 28 சதவீதம் போ் மட்டுமே ஆதரித்திருந்தனா்.

இந்த விவரங்களின் அடிப்படையில், கன்சா்வேட்டிவ் கட்சி தலைவா் தோ்தல் குறித்த கணிப்புகளை வெளியிடும் வலைதளங்கள், தற்போதைய சூழலில் நாட்டின் அடுத்த பிரதமா் ஆவதற்கு பென்னி மாா்டன்டுக்கே அதிக வாய்ப்புள்ளதாகத் தெரிவித்துள்ளன.