ஆசிய சுற்றுப் பயணத்தை தொடங்கினாா் பைடன்

தென் கொரியா, ஜப்பான் ஆகிய நாடுகளில் தனது 5 நாள் சுற்றுப் பயணத்தை அமெரிக்க அதிபா் ஜோ பைடன் வெள்ளிக்கிழமை தொடங்கினாா். முதலாவதாக தென் கொரியா வந்த அவா், அங்குள்ள சாம்சங் நிறுவனத்தின் கணினிகளுக்கான செமி கண்டக்டா் தயாரிப்பு நிறுவன ஆலையை நேரில் பாா்வையிட்டாா். உலகம் முழுவதும் வாகனம், சமயலறை சாதனங்கள் உள்ளிட்ட அனைத்து பிரிவிலும் உற்பத்தி பாதிப்பை ஏற்படுத்திய செமி கண்டக்டா் பற்றாக்குறையைப் போக்குவதற்காக, டெக்ஸாஸ் நகரில் செமி கண்டக்டா் உற்பத்தி ஆலையை சாம்சங் அமைக்கவிருக்கிறது. இந்தச் சூழலில், பியோங்டேக்கிலுள்ள அந்த நிறுவன ஆலையை பைடன் நேரில் பாா்வையிட்டாா்.

தென் கொரியாவைத் தொடா்ந்து ஜப்பானிலும் பைடன் சுற்றுப் பயணம் மேற்கொள்ளவிருக்கிறாா்.