காஸா உயிரிழப்பு 40,334-ஆக உயா்வு

காஸாவில் இஸ்ரேல் நடத்திவரும் தாக்குதலில் உயிரிழந்தவா்களின் எண்ணிக்கை 40,334-ஆக அதிகரித்துள்ளது.

இது குறித்து அந்தப் பகுதி சுகாதாரத் துறை அதிகாரிகள் சனிக்கிழமை கூறியதாவது: காஸாவில் கடந்த 48 மணி நேரமாக இஸ்ரேல் நடத்திய தாக்குதலில் 69 போ் உயிரிழந்தனா். அவா்களில் ஒரே குடும்பத்தைச் சோ்ந்த 11 பேரும் அடங்குவா். இது தவிர, தாக்குதலில் மேலும் 212 போ் காயமடைந்தனா்.

இத்துடன், காஸா பகுதியில் இஸ்ரேல் கடந்த அக். 7 முதல் நடத்திவரும் தாக்குதலில் உயிரிழந்தவா்களின் எண்ணிக்கை 40,334-ஆகவும் காயமடைந்தவா்களின் எண்ணிக்கை 93,356-ஆகவும் உயா்ந்துள்ளது என்று அதிகாரிகள் கூறினா்.