காஸா படுகொலைக்கு அமெரிக்கா பச்சை கொடி காட்டுகிறது: சீனா விமர்சனம்

ஐநா பாதுகாப்பு கவுன்சிலில் அல்ஜீரியா கொண்டு வந்த போர் நிறுத்த தீர்மானத்தை அமெரிக்கா தனது வீட்டோ அதிகாரத்தைப் பயன்படுத்தி ரத்து செய்தது.

சீனா, அமெரிக்காவின் இந்த முடிவு கடும் ஏமாற்றம் அளிப்பதாக விமர்சித்துள்ளது.

இது குறித்து சீனாவின் ஐநா தூதுவர் ஜாங் ஜுன், “அமெரிக்காவின் வீட்டோ கடும் ஏமாற்றத்தையும் அதிருப்தியையும் அளிக்கிறது. அமெரிக்கா தவறான செய்தியை அளிக்கிறது. காஸாவை மேலும் ஆபத்துக்குள் தள்ளும் முடிவு இது. போர் நிறுத்தத்துக்கு எதிர்ப்பு தெரிவிப்பது என்பது காஸாவில் இஸ்ரேல் மேற்கொண்டு வரும் படுகொலைக்கு பச்சை கொடி காட்டுவதிலிருந்து வேறுபட்டதல்ல” எனத் தெரிவித்துள்ளார்.

15 உறுப்பினர்கள் கொண்ட பாதுகாப்பு கவுன்சிலில் 13 நாடுகள் போர் நிறுத்தத்துக்கு ஆதரவாக வாக்களித்த போது அமெரிக்காவின் வீட்டோ தலையீட்டால் தீர்மானம் ரத்தானது குறிப்பிடத்தக்கது.