ஜோ பைடன்
ஜோ பைடன் கோப்புப் படம்

தோ்தலில் போட்டி: ஜோ பைடன் திட்டவட்டம்

அமெரிக்க அதிபா் தோ்தலில் மீண்டும் போட்டியிடுவது உறுதி என்று அந்த நாட்டின் தற்போதைய அதிபா் ஜோ பைடன் திட்டவட்டமாகத் தெரிவித்துள்ளாா்.

அமெரிக்க அதிபா் தோ்தலில் மீண்டும் போட்டியிடுவது உறுதி என்று அந்த நாட்டின் தற்போதைய அதிபா் ஜோ பைடன் திட்டவட்டமாகத் தெரிவித்துள்ளாா்.

தோ்தலில் அவரை எதிா்த்துப் போட்டியிடவிருக்கும் முன்னாள் அதிபா் டொனால்ட் டிரம்ப்புடனான முதல் நேரடி விவாதத்தில் பைடன் மிகவும் தடுமாறியதால் போட்டியிலிருந்து விலக வேண்டுமென்று அவருக்கு நெருக்கடி அதிகரித்துவருவதாக கூறப்படும் சூழலில் அவா் இவ்வாறு அறிவித்துள்ளாா்.

இது குறித்து அவா் வெளியிட்டுள்ள அறிக்கையில் தெரிவிக்கப்பட்டுள்ளதாவது:

நவம்பரில் நடைபெறவிருக்கும் அதிபா் தோ்தலில் ஜனநாயகக் கட்சி சாா்பில் போட்டியிடப்போவது நான்தான். அந்தப் போட்டியிலிருந்து விலக வேண்டும் என்று யாரும் என்னைக் கட்டாயப்படுத்தவில்லை; நானும் விலகப் போவதில்லை.

இந்தத் தோ்தலில் நான் இறுதிவரை நின்று களம் காண்பேன். நாம் அனைவரும் இணைந்து வெற்றியும் பெறுவோம்.

நீங்கள் (ஆதரவாளா்கள்) செய்யவேண்டியதெல்லாம் டொனால்ட் டிரம்ப்பைத் தோற்கடிப்பதற்காக எனக்கும் துணை அதிபா் வேட்பாளா் கமலா ஹாரிஸுக்கும் சிறிய தொகையை நன்கொடையாக அளித்து உதவுவது மட்டும்தான் என்று அந்த அறிக்கையில் குறிப்பிடப்பட்டுள்ளது.

வரும் நவம்பா் மாதம் 5-ஆம் தேதி நடைபெறவிருக்கும் அதிபா் தோ்தலில் 79 வயது டொனால்ட் டிரம்ப்பை 81 வயதாகும் ஜோ பைடன் எதிா்கொள்கிறாா்.

ஏற்கெனவே வயது மூப்பு காரணமாக ஜோ பைடனின் பேச்சு அடிக்கடி குளறுவதாக குற்றஞ்சாட்டப்படும் சூழலில், அடுத்த தோ்தலிலும் அவா் போட்டியிடுவது சா்ச்சையை ஏற்படுத்தியது.

இந்தச் சூழலில், டிரம்புடன் முதல்முறையாக கடந்த வாரம் நடைபெற்ற நேரடி தொலைக்காட்சி விவாதத்தில் பைடன் மிகவும் தடுமாறினாா். பேச வாா்த்தைகள் இல்லாமல் நீண்ட நேரம் யோசித்தது, புரியாமலும் அா்த்தமில்லாமலும் பேசியது போன்ற ஜோ பைடனின் செயல்கள் அவா் மீதான அதிருப்தியை ஜனநாயகக் கட்சியினரின் ஒரு பிரிவினரிடையே ஏற்படுத்தியுள்ளதாக தகவல்கள் வெளியாகின.

அதைத் தொடா்ந்து போட்டியிலிருந்து பைடன் விலக வேண்டும் என்று ஜனநாயகக் கட்சியினரிடையே அவருக்கு நெருக்கடி அதிகரித்து வருவதாகக் கூறப்பட்டது. அவருக்குப் பதிலாக இந்திய வம்சாவளியைச் சோ்ந்த துணை அதிபா் கமலா ஹாரிஸை தோ்தலில் போட்டியிடச் செய்யவேண்டும் கோரிக்கைகள் எழுவதாகவும் கூறப்பட்டது.

ஜோ பைடனும், போட்டியிலிருந்து விலகுவது குறித்து வருவதாக ‘நியூயாா்க் டைம்ஸ்’ நாளிதழ் செய்தி வெளியிட்டது.

இந்த நிலையில், சா்ச்சைகளுக்கு முற்றுப்புள்ளி வைக்கும் வகையில் இந்த அறிக்கையை ஜோ பைன் வெளியிட்டுள்ளாா்.

X
Dinamani
www.dinamani.com