வறுமை ஒழிப்பு, சமூக மேம்பாடு குறித்து புரிந்துணர்வு ஒப்பந்தம்

தன்னார்வ தொண்டு நிறுவனங்களுடன் கல்வி, சுகாதாரம், வறுமை ஒழிப்பு, சமூகமேம்பாடு குறித்த புரிந்துணர்வு ஒப்பந்ததை பி.ஆர், சி.ஆர் ஷெட்டி அறக்கட்டளை செய்து கொண்டுள்ளது.
பெங்களூரில் உள்ள தன்னார்வ தொண்டு நிறுவனங்களுடன் புதன்கிழமை சி.ஆர்.ஷெட்டி அறக்கட்டளையுடன், கல்வி, சுகாதாரம், வறுமை ஒழிப்பு, சமூகமேம்பாடு தொடர்பான பணிகளை செய்ய புரிந்துணர்வு ஒப்பந்ததை பி.ஆர்,சி.ஆர் ஷெட்டி அறக்கட்டளை செய்து கொண்டது. இதைத் தொடர்ந்து அறக்கட்டளையின் மேலாண் அறங்காவலர் பினாய் ஷெட்டி செய்தியாளர்களிடம் கூறியது: 
பெங்களூரில் மட்டுமன்றி மாநிலத்தில் வாழும் ஏழை, எளிய மக்களுக்கு கல்வி, சுகாதாரம், வறுமை ஒழிப்பு, சமூக மேம்பாடு தொடர்பான வளர்ச்சிப் பணிகளை செய்ய புரிந்துணர்வு ஒப்பந்தம் செய்து கொண்டுள்ளோம். 
பெங்களூரு மட்டுமன்றி தேசிய அளவில் வாழும் ஏழைகளின் நிலை உயர வேண்டும். வறுமையை ஒழிப்பதோடு, சமூக மேம்பாடு, கல்வி, சுகாதாரம் உள்ளிட்ட துறைகளில் அவர்கள் சிறந்து விளங்க வேண்டும். 
இதை கருத்தில் கொண்டு, அட்சயபாத்ரா, வக்கார்டு, இஷாவித்யா, செல்கோ உள்ளிட்ட தன்னார்வ தொண்டு நிறுவனங்கள், அறக்கட்டளைகளுடன் புரிந்துணர்வு ஒப்பந்தம் செய்து கொண்டுள்ளோம் என்றார்.