இன்றுமுதல் சித்தராமையா பாதாமியில் சுற்றுப்பயணம்

முன்னாள் முதல்வர் சித்தராமையா, வியாழக்கிழமை முதல் தனது பாதாமி தொகுதியில் சுற்றுப்பயணம் மேற்கொள்ளவிருக்கிறார்.
பாகல்கோட் மாவட்டத்தின் பாதாமி சட்டப்பேரவைத் தொகுதியிலிருந்து தேர்ந்தெடுக்கப்பட்டுள்ள முன்னாள் முதல்வர் சித்தராமையா, அத்தொகுதியில் குடியிருக்க வீடு பார்த்து வருகிறார். இதற்காக ஜூன் 7-ஆம் தேதி பாதாமி செல்ல திட்டமிட்டிருக்கும் சித்தராமையா, 4 நாள்கள் அங்கு தங்கியிருந்து தொகுதி சுற்றுப்பயணம் செய்கிறார். அப்போது வாக்காளர்களுக்கு நன்றி தெரிவிக்கிறார். பாகல்கோட் மாவட்டத்தில் வென்றுள்ள ஒரே காங்கிரஸ் எம்எல்ஏ சித்தராமையா மட்டுமே. எனவே, அங்கு தங்கியிருந்து தொகுதி பணி மட்டுமல்லாது, வட கர்நாடகத்தில் காங்கிரஸ் கட்சியைப் பலப்படுத்தவும் திட்டமிட்டிருக்கிறார்.