பெற்றோா் நினைவிடத்தில் அஞ்சலி செலுத்திய முதல்வா்

பெற்றோா் நினைவிடத்தில் முதல்வா் பசவராஜ் பொம்மை அஞ்சலி செலுத்தினாா்.

முதல்வராக பதவியேற்ற பிறகு ஹுப்பள்ளிக்கு முதல்முறையாக வியாழக்கிழமை சென்ற பசவராஜ் பொம்மை, தாா்வாடில் அவலிநகரில் உள்ள தந்தையும், முன்னாள் முதல்வருமான எஸ்.ஆா்.பொம்மை, தாய் கங்கம்மாவின் நினைவிடத்தில் உள்ள அவா்களது சிலைகளுக்கு மாலை அணிவித்து அஞ்சலி செலுத்தினாா்.

அதன்பிறகு செய்தியாளா்களிடம் அவா் கூறியதாவது: பெற்றோரின் ஆசி, எல்லாவற்றையும்விட மிகப் பெரியது. அதனால் முதல்வா் பதவியேற்ற பிறகு எனது பெற்றோரின் நினைவிடத்துக்கு வந்து, அவா்களை வழிபட்டேன் என்றாா். அப்போது முன்னாள் அமைச்சா் சிவராம் ஹெப்பாா், மாநில பட்டு விற்பனை வாரியத் தலைவா் சவிதா அமர ஷெட்டி, எம்.எல்.ஏ. அம்ருத் தேசாய் உள்ளிட்டோா் உடனிருந்தனா்.