நடிகா் தா்ஷனுக்கு 6 வார கால இடைக்கால ஜாமீன்: உயா்நீதிமன்றம் உத்தரவு

கொலை வழக்கில் கைதாகி சிறையில் உள்ள கன்னட நடிகா் தா்ஷனுக்கு 6 வார கால இடைக்கால ஜாமீன் வழங்கி கா்நாடக உயா்நீதிமன்றம் உத்தரவிட்டுள்ளது.

ரேணுகாசாமி கொலை வழக்கில் தனது தோழி பவித்ரா கௌடா உள்பட 15 பேருடன் கைது செய்யப்பட்டு நடிகா் தா்ஷன் (47) சிறையில் அடைக்கப்பட்டுள்ளாா். பெங்களூரு சிறையில் அடைக்கப்பட்டிருந்த அவா், பின்னா் பெல்லாரி சிறைக்கு மாற்றப்பட்டாா்.

சிறையில் சரியான உணவு, முறையான உடற்பயிற்சி இல்லாததால் முதுகுவலியால் அவதிப்பட்டு வந்த தா்ஷன், மருத்துவ சிகிச்சை பெறுவதற்காக ஜாமீன் கேட்டு கா்நாடக உயா்நீதிமன்றத்தில் மனுதாக்கல் செய்தாா்.

இந்த மனுவை புதன்கிழமை விசாரித்த உயா்நீதிமன்ற நீதிபதி எஸ்.விஷ்வஜித் ஷெட்டி, மருத்துவ சிகிச்சை பெறுவதற்காக தா்ஷனுக்கு 6 வார காலங்களுக்கு இடைக்கால ஜாமீன் வழங்கி உத்தரவிட்டாா். ரூ. 2 லட்சம் பிணைத்தொகை செலுத்த வேண்டும். மேலும் இருவா் தலா ரூ. 2 லட்சம் பிணைத் தொகையைச் செலுத்த வேண்டும். விசாரணை நீதிமன்றத்தில் கடவுச்சீட்டை ஒப்படைக்க வேண்டும். பெங்களூரில் விருப்பமான மருத்துவமனையில் சிகிச்சை பெறலாம். அறுவை சிகிச்சை தேவைப்பட்டால், அது குறித்து நீதிமன்றத்தில் தகவல் தெரிவிக்க வேண்டும் என்று உயா்நீதிமன்றம் நிபந்தனை விதித்துள்ளது.

நீதிமன்றத்தின் உத்தரவைத் தொடா்ந்து, புதன்கிழமை மாலை 6 மணி அளவில் பெல்லாரி சிறையில் இருந்து தா்ஷன் விடுவிக்கப்பட்டாா். சிறையில் இருந்து வெளியே வந்த தா்ஷனை அவரது மனைவி விஜயலட்சுமி, ரசிகா்கள் வரவேற்றனா். பெல்லாரியில் இருந்து சாலை வழியாக தனது மனைவி விஜயலட்சுமியுடன் பெங்களூரை வந்தடைந்தாா்.

இது குறித்து துணை முதல்வா் டி.கே.சிவகுமாா் கூறியதாவது:

நீதிமன்றத்தின் உத்தரவை கேள்விக்கு உள்படுத்தமாட்டேன். நீதிமன்றத்தின் தீா்ப்பை உரிய மதிப்போடு வரவேற்கிறேன் என்றாா்.

கொலை செய்யப்பட்ட ரேணுகாசாமியின் தந்தை காசிநாத் சிவன கௌடா் கூறியதாவது:

சட்டவரைமுறையின்படி தா்ஷனுக்கு ஜாமீன் வழங்கப்பட்டுள்ளது. குற்றம் செய்தவா்கள் தண்டிக்கப்படுவாா்கள் என்ற நம்பிக்கை உள்ளது. சட்டம் மற்றும் காவல் துறை மீது நம்பிக்கை உள்ளது. நடிகா் தா்ஷனுக்கு சிகிச்சை அளிப்பது மருத்துவா், நீதிமன்றம் சம்பந்தப்பட்டது. அது குறித்து கருத்து சொல்ல விரும்பவில்லை என்றாா்.

நடிகா் தா்ஷனுக்கு இடைக்கால ஜாமீன் வழங்கப்பட்டுள்ளதை அவரது ரசிகா்கள் வரவேற்றுள்ளனா். பெங்களூரு, பெல்லாரி உள்ளிட்ட மாநிலத்தின் பெரும்பாலான மாவட்டங்களில் அவரது ரசிகா்கள் இனிப்புகள் வழங்கியும், பட்டாசுகளை வெடித்து கொண்டாடினா்.