ரெளடி நாகேந்திரன் தொடா்புடைய 8 இடங்களில் போலீஸாா் சோதனை

சென்னை: ஆம்ஸ்ட்ராங் கொலை வழக்கில் கைது செய்யப்பட்ட ரெளடி நாகேந்திரன் தொடா்புடைய 8 இடங்களில் போலீஸாா் சோதனை மேற்கொண்டனா்.

ஆம்ஸ்ட்ராங் கொலை வழக்கில் நாகேந்திரன் மற்றும் அவரின் மகன் அஸ்வத்தாமன் ஆகியோா் கைது செய்யப்பட்டு தற்போது சிறையில் இருந்து வருகின்றனா். இந்நிலையில், 2020-இல் வியாசா்பாடி பகுதியை சோ்ந்த பெண் தாதாவான இலாமல்லியின் மகனும் ரெளடியுமான விஜயதாஸை, நாகேந்திரன் தரப்பினா் கொலை செய்தனா்.

இந்த இரு கொலை சம்பவம் தொடா்பாக இரண்டு எதிா்த்தரப்பைச் சோ்ந்தவா்களும் நகேந்திரன் தரப்பினரை பழிவாங்க தக்க சமயம் பாா்த்து காத்திருப்பதாக போலீஸாா் எச்சரித்துள்ளதால், நாகேந்திரன் தரப்பினா் ஏராளமான ஆயுதங்களை பதுக்கி வைத்திருக்கலாம் என போலீஸாருக்கு சந்தேகம் எழுந்தது.

இதுதொடா்பாக சமீபத்தில் நகேந்திரன் பூா்விக வீடு மற்றும் அவரின் உறவினா்கள் வீடுகளில் அண்மையில் நடைபெற்ற சோதனையில் 51 அரிவாள்கள் பறிமுதல் செய்யப்பட்ட நிலையில், உறவினா்கள் 7 பேரையும் போலீஸாா் கைது செய்தனா்.

தற்போது சிறையில் இருந்து வரும் ரௌடி நாகேந்திரனின் தொடா்புடைய வியாசா்பாடி பகுதியிலுள்ள 8 இடங்களில் புளியந்தோப்பு துணை ஆணையா் தலைமையிலான போலீஸாா் திங்கள்கிழமை சோதனை நடத்தினா்.