வீட்டுவசதி வாரிய வீடுகளுக்கு பட்டாக்கள் வழங்க சிறப்பு முகாம்கள்

வீட்டுவசதி வாரிய வீடுகளுக்கு பட்டாக்கள் பெற சிறப்பு முகாம்கள் நடத்தப்பட உள்ளதாக தமிழக அரசு தெரிவித்துள்ளது.

இது குறித்து தமிழ்நாடு வீட்டுவசதி வாரியம் வியாழக்கிழமை வெளியிட்ட செய்திக் குறிப்பு:

சென்னை மற்றும் பிற மாவட்டங்களில் வீட்டுவசதி வாரியத்தின் சாா்பில் அடுக்குமாடி குடியிருப்புகள் கட்டித் தரப்பட்டு ஒதுக்கீடு செய்யப்படுகிறது. இவ்வாறு ஒதுக்கீடு பெற்றவா்கள் முழுத் தொகையையும் செலுத்திய பிறகு விதிகளின்படி விற்பனைப் பத்திரம் வழங்கப்படுகிறது.

விற்பனைப் பத்திரம் பெற்ற ஒதுக்கீடுதாரா்களுக்கு அரசின் உத்தரவுப்படி பட்டாக்கள் வழங்க நடவடிக்கை எடுக்கப்பட்டுள்ளது. முதல்கட்டமாக சென்னை மாவட்டத்தில் வருவாய் துறையிடம் இருந்து நில உரிமை ஆவணம் பட்டா பெறுவதற்கு ஏதுவாக முயற்சிகள் மேற்கொள்ளப்பட்டு வருகின்றன.

இதன் அடிப்படையில், வாரியத் திட்டங்களில் ஒதுக்கீடு பெற்றவா்கள் பட்டா பெற வருவாய்த் துறையுடன் இணைந்து சிறப்பு முகாம்கள் நடத்தப்படுகின்றன. இந்தச் சிறப்பு முகாம்களின் வழியே ஒதுக்கீடுதாரா்கள் பட்டாக்கள் பெற்றுக்கொள்ளலாம்.

எனவே, வீட்டுவசதி வாரியத்தின் முன் முயற்சியைப் பயன்படுத்தி வீட்டுவசதி வாரியத்திடம் இருந்து வாங்கிய சொத்துக்கு பட்டா பெறலாம் என்று தமிழ்நாடு வீட்டுவசதி வாரியம் தெரிவித்துள்ளது.