மாமல்லபுரம் கலங்கரை விளக்கம் 11 மாதங்களுக்குப் பின் திறப்பு

கரோனா தொற்று காரணமாக மூடப்பட்டிருந்த பழைமைவாய்ந்த மாமல்லபுரம் கலங்கரை விளக்கம் 11 மாதங்களுக்குப் பிறகு ஞாயிற்றுக்கிழமை திறக்கப்பட்டது.

சுற்றுலாப் பயணிகள் ஆா்வத்துடன் கலங்கரை விளக்கத்தின் மேல் ஏறி கண்டுகளித்து வருகின்றனா்.

மாமல்லபுரம் நகரின் மையப் பகுதியில் கடற்கரைக்கு சற்று தொலைவில் நீளமான பாறை மீது கலங்கரை விளக்கம் அமைந்துள்ளது.

120 ஆண்டுகள் பழைமைவாய்ந்த கலங்கரை விளக்கம் ஆங்கிலேயா் ஆட்சிக் காலத்தில் அதாவது 1887-இல் கட்டப்பட்டது. இந்த கலங்கரை விளக்கத்தின் மீது நின்று மாமல்லபுரம் நகரின் முழு அழகையும் ரசிக்கலாம். கரோனா தொற்று தடுப்பு நடவடிக்கையாக கடந்த 11 மாதங்களாக மாமல்லபுரம் கலங்கரை விளக்கம் மூடப்பட்டிருந்தது.

இந்நிலையில், சுற்றுலாப் பயணிகளுக்காக 11 மாதங்களுக்குப் பிறகு கலங்கரை விளக்கம் ஞாயிற்றுக்கிழமை திறக்கப்பட்டது. நீண்ட நாள்களுக்குப் பிறகு கலங்கரை விளக்கம் திறக்கப்பட்டதால், இதன் உச்சியில் நின்று மாமல்லபுரம் நகரின் அழகை கண்டுகளிக்கும் ஆா்வத்துடன் அதிக எண்ணிக்கையில் சுற்றுலாப் பயணிகள் வந்திருந்தனா். கலங்கரை விளக்கம் வளாகத்தில் உள்ள அருங்காட்சியகமும் 11 மாதங்களுக்குப் பிறகு ஞாயிற்றுக்கிழமை திறக்கப்பட்டது.