செங்கல்பட்டு: நியாயவிலைக் கடைகளில் இன்று கேஒய்சி சிறப்பு முகாம்

செங்கல்பட்டு மாவட்டத்திலுள்ள அனைத்து நியாயவிலைக் கடைகளிலும் சனிக்கிழமை (ஆக. 29) கேஒய்சி சிறப்பு முகாம் நடைபெறும் எனத் தெரிவிக்கப்பட்டுள்ளது.

தேசிய உணவுப் பாதுகாப்புச் சட்டம், 2013-இன்படி முன்னுரிமை மற்றும் அந்தியோதயா அன்ன யோஜனா குடும்ப அட்டைகளின் ஆதாா் விவரங்களை சரிபாா்ப்பதற்காக மின்னணு குடும்ப அட்டையில் இணைக்கப்பட்ட அனைத்து பயனாளிகளின் விரல் ரேகை அடிப்படையிலான சரிபாா்ப்பினை மேற்கொள்ள வேண்டும் என மத்திய அரசு அறிவுறுத்தியுள்ளது. அதன்படி, செங்கல்பட்டு மாவட்டத்தில் நாளது தேதி வரை 95.03% பயனாளிகளுக்கு சரிபாா்ப்பு பணி முடிவுற்றுள்ளது.

இந்த பதிவினை 100% நிறைவு செய்யும் பொருட்டு, சனிக்கிழமை (ஆக. 29) செங்கல்பட்டில் உள்ள அனைத்து நியாயவிலைக் கடைகளிலும் சிறப்பு முகாம் காலை 9 மணி முதல் மாலை 5 மணி வரை நடைபெறவுள்ளது.

ஆகவே நியாயவிலைக் கடைகளில் கைரேகை பதிவு செய்யப்படாமல் விடுபட்டுள்ள குடும்ப அட்டைதாரா்கள் கைரேகை விரல் பதிவு செய்ய சனிக்கிழமை (ஆக. 29) செங்கல்பட்டு மாவட்டம் முழுவதும் உள்ள அனைத்து நியாயவிலைக் கடைகளிலும் நடைபெறும் சிறப்பு முகாமினை பயன்படுத்தி விடுபட்ட குடும்ப அட்டைதாரா்கள் பதிவினை மேற்கொள்ளுமாறு மாவட்ட நிா்வாகம் தெரிவித்துள்ளது.