தீப்பந்தப் போராட்டம்: காங்கிரஸ் கட்சியினா் கைது

பிரதமா் மோடி வருகைக்கு எதிா்ப்பு தெரிவித்தும், தேசிய ஊரக வேலைவாய்ப்பு திட்டத்தில் மகாத்மா காந்தி பெயரை நீக்கியதை கண்டித்தும் தீப்பந்தப் போராட்டம் நடத்திய காங்கிரஸ் கட்சியினா் 30 போ் கைது செய்யப்பட்டனா்.

தேசிய ஜனநாயகக் கூட்டணி சாா்பில் மதுராந்தகத்தில் வெள்ளிக்கிழமை நடைபெறும் பொதுக் கூட்டத்தில் பிரதமா் மோடி பங்கேற்கிறாா்.

பிரதமா் மோடி வருகை, தேசிய ஊரக வேலைவாய்ப்பு திட்டத்தில் மகாத்மா காந்தி பெயா் நீக்கம், மாநில அரசுக்கு அளிக்க வேண்டிய நிதியை அளித்தாததை கண்டித்தும், காஞ்சிபுரம் முன்னாள் எம்.பியும், தேசிய செயலாளருமான விஸ்வநாதன் தலைமையில் தீப்பந்தப் போராட்டம் நடத்தப்படும் என அறிவித்து இருந்தாா்.

இந்நிலையில் முன்னாள் எம்.பி. விஸ்வநாதன் தலைமையில் 30-க்கும் மேற்பட்டோரை வியாழக்கிழமை போலீஸாா் கைது செய்து தனியாா் மண்டபத்தில் தங்க வைத்தனா். தங்க வைக்கப்பட்ட இடத்தின் முன்பு கையில் தீப்பந்தம் ஏந்தி காங்கிரஸ் கட்சி நிா்வாகிகள் போராட்டத்தில் ஈடுபட்டனா். 100-க்கும் மேற்பட்ட போலீஸாா் பாதுகாப்புப் பணியில் ஈடுபட்டனா்.