நர்சிங் மாணவி தற்கொலை

அரசு செவிலியர் கல்லூரியில் படித்து வந்த மாணவி மண்ணெண்ணெய் குடித்து சனிக்கிழமை இரவு தற்கொலை செய்துகொண்டார்.

இது குறித்த விவரம்:

வியாசர்பாடி சர்மாநகரை சேர்ந்தவர் சபரீஷ். தூத்துக்குடியை சேர்ந்த நர்சிங் மாணவி சரண்யாவுடன் சபரீஷுக்கு பழக்கம் ஏற்பட்டது.

பின்னர் சபரீஷ்- சரண்யா இருவரும் திருமணம் செய்து தனிக்குடித்தனம் நடத்தினர். இதுபற்றி சரண்யாவின் பெற்றோருக்கு 6 மாதத்திற்கு பின்புதான் தெரியவந்தது. திருமணத்துக்கு பின்னர் சரண்யா தொடர்ந்து படித்து வந்தார். இந்நிலையில் கணவன்- மனைவியிடையே மே 9-ஆம் தேதி தகராறு ஏற்பட்டது.

இதில் மனவேதனையடைந்த சரண்யா மண்ணெண்ணெயை குடித்தார். சென்னை அரசு பொது மருத்துவமனையில் சேர்க்கப்பட்ட சரண்யா உயிரிழந்தார். இதுகுறித்து எம்.கே.பி. நகர் போலீஸார் விசாரித்து வருகின்றனர். மேலும் ஆர்.டிஓ. விசாரணைக்கும் உத்தரவிடப்பட்டுள்ளது.