சென்னையில் 19-இல் குரூப் 2 தேர்வுக்கான இலவச கருத்தரங்கம்

சென்னை அண்ணா நகரில் அமைந்துள்ள கிங் மேக்கர்ஸ் ஐ.ஏ.எஸ். அகாதெமியில் தமிழ்நாடு அரசுப் பணியாளர் தேர்வாணையம் நடத்தும் குரூப் 2 தேர்வை எதிர்கொள்வதற்கான இலவச கருத்தரங்கம் வரும் ஞாயிற்றுக்கிழமை (ஆக.19) நடைபெறுகிறது.
இதுகுறித்து அதன் இயக்குநர் சத்யஸ்ரீ பூமிநாதன் தெரிவித்ததாவது:
தமிழ்நாடு அரசுப் பணியாளர் தேர்வாணையம் சார்பில் 1,199 காலி பணியிடங்களை நிரப்புவதற்கான நேர்முகத் தேர்வுடன் கூடிய குரூப் 2 தேர்வுக்கான அறிவிப்பு கடந்த 10-ஆம் தேதி வெளியானது. முதல்நிலை தேர்வு வரும் நவம்பர் 11-இல் நடைபெறவுள்ளது. இத்தேர்வை எதிர்கொள்வதற்கான இலவச கருத்தரங்கம் ஞாயிற்றுக்கிழமை (ஆக.19) காலை 9 முதல் பிற்பகல் 1 மணி வரை நடைபெறவுள்ளது. இக்கருத்தரங்கில் பிரவீண் ஐ.எஃப்.எஸ். , துணை ஆட்சியர் வி.பி.ஜெகதீஸ்வரன் ஆகியோர் தேர்வை எதிர்கொள்வதற்கான வழிமுறைகளை எடுத்துரைக்கவுள்ளனர்.
இக்கருத்தரங்கில் பங்கேற்க விரும்புவோர் செல்லிடப்பேசி எண்.94442 27273-க்கு தங்கள் பெயர், கல்வித் தகுதி, தொடர்பு எண் உள்ளிட்ட விவரங்களை குறுந்தகவலாக அனுப்பி பதிவு செய்து கொள்ளலாம். மேலும் தகவல்களுக்கு டபுள்யு 4, 5-ஆவது மெயின் சாலை, அண்ணா நகரில் உள்ள அலுவலகத்தை தொடர்பு கொள்ளலாம்.